सेन्ट जर्ज स्कुलमा गुरुपूर्णिमा सम्पन्नरुपन्देहीमा सिद्धार्थ डेरी साइकल यात्रीलाई मोही वितरणकाभा यू–२० महिला भलिबल ः नेपालले सेमिफाईनलमा कीर्गिस्तानसँग खेल्नेप्रधानमन्त्री ओलीलाई दुईतिहाई सांसदको समर्थन, पाए विश्वासको मतकवि राजेन्द्र ओझा ‘नयन’द्वारा रचित ‘अभिलाषाका झारहरू’ कवितासङ्ग्रह विमोचनचितवनमा “तपाईं बजार” को शुभारम्भलोक दोहोरी गीत ‘दमौलीमा गेट" को रिमेक भर्सन बजारमा [भिडियो]गुरुप्रति सम्मान भाव प्रकट गरी आज गुरु पूर्णिमा पर्व मनाइँदैदाना कपमा नेपाली टोली डेन्मार्क प्रस्थाननेपाल बक्सिङ महासंघको चौथो पूर्ण कार्यसमितिको बैठक सम्पन्न

नेपालमा गाडीहरुको संख्या सडकको क्षमताभन्दा धेरै भयो भन्ने सरकारको तर्क ठिक होईन : नाडा उपाध्यक्ष दुलाल

न्यूजलाईन्स् मिडिया संवाददाता
प्रकाशित मिति : २०७५ भाद्र २५ गते, सोमबार १०:५७

‘भोलिदेखि सुरु हुने नाडा मेलाका तयारी पूरा, ५ अर्बको कारोबार हुने विश्वास’
काठमाडौं, २५ भदौ । भदौ २६ गतेदेखि सूरु हुने अटोमाबाईल्स एसोसिएन अफ नेपाल (नाडा) को मेलाको तयारी पूरा भएको जानकारी दिएको छ ।

रिपोर्टर्स क्लब नेपालले सोमबार आयोजना गरेको साक्षात्कारमा बोल्दै नाडाका उपाध्यक्ष कृष्णप्रसाद दुलालले ६ दिनसम्म चल्ने उक्त मेलाको सम्पूर्ण तयारी पूरा भएको बताएका छन् ।


अर्थमन्त्री डा.यूवराज खतिवडाले उद्घाटन गर्ने मेलामा ६२ हजारले अवलोकन गर्ने बताउँदै उपाध्यक्ष दुलालले भने,‘४ महिनामा हुने कारोबार ६ दिनभित्र हुने ५ सय करोडको कारोबार हुने हामीले अनुमान गरेका छौं, ७१ वटा संस्थाहरुको उपस्थितिमा १३५ वटा स्टल रहेनछन् ।’
नेपालमा गाडीहरुको संख्या सडकको क्षमताभन्दा धेरै भयो भन्ने तर्क नै ठिक नभएको उनको स्पष्टोक्ति छ । दुलालले भने,‘आजको

उनले सडक पूर्वाधारको विकासमा लाग्नको लागि सरकारलाई सुझाव समेत दिएका छन् । उनले भने,‘हाम्रो देशमा स्तरीय र राम्रा सडक नै छैनन्। अहिले भएका सडकको पनि समयमै मर्मतसम्भार हुँदैन। सरकारले काठमाण्डौ उपत्यकामा गाडीको जाम देखेर क्षमताभन्दा बढी गाडी भयो भनिरहेको छ। आयात कम गर्नुपर्छ भनिरहेको छ। त्यो सरकारले जनताप्रति सकरात्मक सोच राखेको होइन। आफूले चाहेको गाडी खरिद गरेर चढ्न पाउनु जनताको अधिकारको कुरा हो।’

उनले अघि थपे,‘सरकारले उद्योगमैत्री वातावरण सिर्जना गर्नुपर्छ, सडकको स्तरोन्नति गर्नुपर्छ, गाडी बेच्ने र किन्ने मात्रै हाम्रो लक्ष्य होईन, सडकको वातावरण पनि स्वच्छ हुनुपर्छ भन्ने हो, गत वर्ष मेलामामात्रै झन्डै साढे तीन अर्ब रुपैयाँको कारोबार भएको थियो । सवारी साधनसम्बन्धि सम्पूर्ण जानकारी दिने उद्देश्यले प्रत्येक बर्ष आयोजना हुने यस मेलालाई गाडीहरुको ‘कुम्भ मेला’ को रुपमा समेत लिने गरिन्छ, यसै फोरमबाट सबैलाई मेलाको अवलोकन गर्न आग्रह समेत गर्दछु ।’


सरकाले उठाउने सम्पूर्ण करमध्ये ३५ प्रतिशत नाडाले तिर्ने गरेको बताउँदै उपाध्यक्ष दुलालले भने,‘आजको दिनमा पनि १ प्रतिशत नेपाली जनतामा मात्रै आफ्नै गाडीको पहुँच छ । त्यसैले गाडीको संख्या धेरै भएको होईन, सडक कम भएको हो, वातावरण छैन्, कर र भन्सारको कारणले गर्दा जनताहरुको पहुँचभन्दा बाहिर छ, १० लाखमा राम्रो गाढि किन्न सकिने स्थिति आयो भने ५० प्रतिशत जनताले गाढि चढ्नेछन ।’
त्यस्तै नाडाका महासचिव सुनिल रिजालले पनि नेपालमा गाडीहरुको संख्या सडकको क्षमता भन्दा धेरै भयो भन्ने सरकारी तर्क नै ठिक नभएको दाबी गरेका हुन् ।

उनले अघि थपे,‘नेपालमानै गाडी उत्पादन गर्ने बिषयमा सरकार पनि गम्भीर हुनुपर्यो । उद्योगधन्दा स्थापना गर्ने वातावरण बनाउनुपर्यो। उद्योग खोल्ने वातावरण अहिले नै बनिसकेको छैन, मोटर साईकल, टायरजस्ता उद्योगहरु स्थापना भईसकेका छन्, गाढिको पनि हुन्छ, त्यो केही समय लाग्छ ।’

रिजालले भोलिबाट सुरु हुने उक्त मेलाको भव्य रुपमा उद्धघाट्न हुने जनाउँदै मेलाको अवलोकनको लागि सबैलाई आग्रह समेत गरेका छन् । विद्यार्थीहरुलाई एक सय ५० रुपैयाँ र अन्यलाई दुईसय रुपैयाँ प्रवेश शुल्क लाग्नेपनि आयोजकले जनाएको छ ।

फेसबुक प्रतिक्रिया
सम्बन्धित शीर्षकहरु