नुवाकोट, भदाै २८– नुवाकोटको दुप्चेश्वर गाउँपालिका–१ घ्याङ्फेदीको चेताङमा पहिरोका कारण हराइरहेका दुईजना सम्पर्कमा आएका छन् । बुधबार बिहान पहिरोमा परेर हराइरहेका वीरबहादुर तामाङ र पुतली तामाङ सकुशल रहेको जानकारी आएको गाउँपालिकाका अध्यक्ष योविन्द्रसिंह तामाङले जानकारी दिनुभयो ।
चारैतिर पहिरो गएर बीचमा अलपत्र परेका दोर्जे शेर्पा र याङदेन र्शर्पालाई सेनाले बेलुकी सात बजे उद्दार गरेको थियो । उनीहरु दुवै जनालाई उद्दार पछि सेनाको हेलिकोप्टरमार्फत सदरमुकाम विदुर ल्याइएको छ ।
अहिले उनीहरुको अवस्था सामान्य रहेको गाउँपालिकाका अध्यक्ष तामाङले जानकारी दिनुभयो ।
