काठमाडौं – लगानी बोर्डले नेपालका लागि अन्तर्राष्ट्रिय लगानी सम्मेलन आउँदो मार्च महिनामा गर्ने निर्णय गरेको छ । मंगलबार बसेको बोर्डको ३२ औँ बैठकले यो निर्णय गरेको हो । त्यस्तै बोर्ड बैठकले पश्चिम सेतीमा चाइनाको थ्री गर्जेजले निर्माणमा अनिच्छा देखाएपछि यो परियोजनालाई कसरी अगाडि बढाउने भन्ने सन्दर्भमा मोडालिटी बनाउन उर्जा, अर्थ र उद्योगमन्त्री सम्मिलित उच्चस्तरीय समिति बनाउने निर्णयसमेत गरेको छ । समितिको सचिवालय लगानी बोर्डको कार्यालय नै हुने निर्णय पनि बैठकले गरेको छ ।
त्यस्तै औद्योगिक पूर्वाधारको अभावले विकास निर्माणको समय लम्बिने, लागत बढ्ने गरेको बिषयलाई मध्यनजÞर गर्दै पूर्वाधार निर्माणको जिम्मा पनि विकास निर्माण कर्तालाई बनाउन दिने र त्यसको शोधभर्ना नेपाल सरकारले उपलब्ध गराउने गरी कार्य बिधि बनाउन लगानी बोर्डलाई निर्देशन दिइएको छ । यस्तो कार्य्विधिलाई मन्त्रिपरिषदको बैठकले निर्णय गरी लागू गराउने पनि बोर्डको बैठकले निर्णय गरेको छ । त्यस्तै, जापान क्लब इन्टरनेशनलले होटल निर्माणको लागि गरेको प्रस्ताव बोर्ड बैठकले स्वीकृत गरेको छ। जापान क्लब इन्टरनेशनलले काठमाडौँ, भक्तपुर र पोखरामा होटल निर्माण गर्ने प्रस्ताव गरेको छ । १३ अर्ब ९० करोडको लगानीमा ३ वटा होटल बनाउने गरी प्रस्ताव गरेको छ ।
श्राेतः janasawal.com
२०८१ आश्विन ४ - शुक्रबार
