महिला चेम्बर ट्रेड फेयरको दोस्रो दिन वित्त साक्षरता र कला प्रदर्शनी समेत हुनेसुदिप्त क्यान्सर सभाईभर मिट—२१’ माझ क्यान्सर विजेता प्रतियोगी सम्मानितहेर्नुस् आज २०७७ फागुन २५ गते, मंगलवारको राशिफलबलपार्क र बासुलिङको पहिलो जितमहिला हस्तकला मेला सम्पन्नकालिका नगरपालिका भित्रका उद्योगीहरुको प्रारम्भिक भेला सम्पन्नउपराष्ट्रपतिबाट महिला चेम्बर ट्रेड फेयर र अन्तर्राष्ट्रिय नारी दिवस बिशेष समारोह उद्घाटनप्लस साईज मोडल नेपालको उपाधी सृष्टि उप्रेतीको हातमापछिल्लो २४ घन्टामा देशभर थप ८९ जना कोरोना भाइरस संक्रमित थपिएमोडल सङ्ग्स अवार्ड' को दोश्रो संस्करण भव्य समारोहका बिच सम्पन्न

थारु कल्याणकारिणी सभाद्धारा २२ औं राष्ट्रिय महाधिवेशनबाट पारित २२ बुँदे घोषणापत्र सार्वजनिक

न्यूजलाईन्स् मिडिया संवाददाता
प्रकाशित मिति : ११ आश्विन २०७५, बिहीबार ११:२२

‘टिकापुर घट्नालाई राजनीतिक रुपमा समाधान गर्न पहल गर्ने’
पारित काठमाडौं, ११ असोज । थारु कल्याणकारिणी सभाले आफ्नो २२ औं राष्ट्रिय महाधिवेशनबाट पारित गरेको २२ बुँदे घोषणापत्र सार्वजनिक गरेको छ ।

बिहीबार रिपोर्टर्स क्लब नेपालमा पत्रकार सम्मेलन गरेर असोज ७, ८ र ९ गते काठमाडौंमा सम्पन्न भेलाले पारित गरेको काठमाडौं घोषणापत्र सार्वजनिक गरेको हो ।

पत्रकार सम्मेलनका अध्यक्ष तथा सभाका केन्द्रीय सदस्य कर्णलाल चौधरीले वर्तमान संविधानले थारु तथा चौधरी समुदायका मागहरु सम्बोधन नगरेको दाबी गरे ।

उनले भने,‘थारु कल्याणकारिणी सभाको स्थापना थारु समुदायका राजनीतिक मागहरु सम्बोधन गर्नु थियो, तर राज्यले विगतका दिनहरुमाजस्तै आजको दिनमा पनि सौतेनी व्यबहार गरिरहेको छ, २०७२ भदौ ७ गते घटेको टिकापुर घट्नालाई राजनीतिक कोणबाट सम्बोधन गर्नुपर्छ, उक्त घट्नामा संलग्नको आरोपमा जनमतसहित निर्वाचित सांसद रेशमलाल चौधरी, त्यस्तै ४ वर्षदेखि अर्ध–भूमिगत रहनुभएका यस सभाका अध्यक्ष धनिराम चौधरीलगायत तीनसय बढि नेता कार्यकर्तालाई अनाहकमा मुद्दा लगाएर जेलमा हाल्ने काम भएको छ, निःशर्त रुपमा जेलमा रहेका सबै थारु नेता कार्यकर्ताको रिहाईको लागि सरकारसँग माग गर्दछु ।’

टिकापुर घट्नालाई राजनीतिक कोणबाट सम्बोधन गर्न पहल गर्ने, थरुहट, थारुवान संयुक्त संघर्ष समितिसँग सरकारले गरेको सम्झौतालाई पालना गर्न लगाउने, पहिचानका पाँच र सामथ्र्यका ४ आधारमा तराईमा तीन प्रदेश हुनुपर्ने, रेशम चौधरीको रिहाईको लागि सरकारसँग वार्ता गर्ने, टिकापुर घट्नाका बारेमा तयार पारिएका प्रतिवेदन सार्वजनिक गर्न माग गर्नेलगायतका बुँदाहरु समाबेश गरिएको घोषणापत्र सभाकी केन्द्रीय सदस्य ईन्दु चौधरीले वाचन गरेकी थिईन् ।

फेसबुक प्रतिक्रिया
सम्बन्धित शीर्षकहरु