कैलाली : प्रदेश नं ७ को राजधानी गोदावरी नगरपालिका–२, तेघरी र नाम सुदूरपश्चिम दुई तिहाईले स्वीकृत भएको छ । आज दिउँसो ३ बजे पुनः शुरू भएको बैठकमा प्रदेशको राजधानी गोदावरी नगरपालिका–४, तेघरी र नाम सुदूरपश्चिम कायम गरियोस भन्ने नेपाल कम्युनिष्ट पार्र्टीका संसदीय दलका नेता तारा लामा तामांगले पेश गरेको तथा संसद विरमान चौधरी र शान्ति नेपालीले समर्थन गरेको प्रस्ताव दुई तिहाईले स्वीकृत भएको होे ।
स्वीकृत प्रतिवदेन अनुसार ७ नम्बरको स्थायी राजधानी कैलाली जिल्लाको गोदावरी नगरपालिका– २, तेघरीस्थित नेपाली सेनाको व्यारेक रहेको स्थानदेखि उत्तरपश्चिम, गोदावरी–धनगढी–डडेल्धुरा सडकदेखि पश्चिम, गोदावरी नदीदेखि पूर्व र गोदावरी बजारदेखि दक्षिणको चारकिल्ला क्षेत्रमा पर्ने भएको हो ।
प्रमुख प्रतिपक्षी दल नेपाली काँग्रेसका १२ र राष्ट्रिय जनता पार्टीका २ गरी १४ जना संसदले बैठक वहिस्कार गरेपनि सत्ता पक्षका प्रदेश सभा सदस्यहरुको बहुमतबाट स्वीकृत गरिएको घोषणा गरिएको हो । प्रदेशसभा रहेका कुल ५३ सांसदमध्ये १२ जना नेपाली कांग्रेसका र २ जना राजपाका सांसद छन् ।
श्राेतः janasawal.com
