काठमाडौं : पोखरा प्रिमियर लिगको लागि अहिले खेलाडी लिलामी भइरहेको छ । काठमाडौंको साङग्रिला होटलमा जारी लिलामी प्रक्रियामा ६ टोलीले बोली लगाईरहेको छन । पीपीएलका लागि क्याप्ड सिनियर, एज क्याप्ड खेलाडी र अनक्याप्ड खेलाडीको रुपमा खेलाडीको वर्गिकरण गरिएको छ । क्याप्ड सिनियरको न्युनतम रकम ५० हजार रुपैयाँदेखि सुरु भएर २ लाख ४० सम्म राखिएको छ । त्यस्तै क्याप्ड एज लेभलको न्युनतम मुल्य ५० हजारदेखि १ लाख ५० हजार रुपैयाँसम्म राखिएको छ ।
अनक्याप्ड खेलाडीको मुल्य ३० हजारदेखि सुरु भएर १ लाख रुपैयाँसम्म राखिएको छ । राष्ट्रिय टिमबाट खेलिसकेका क्याप्ड सिनियर श्रेणीका केही खेलाडीले अधिकतम मुल्य पाएका छन । चितवन राईनोजले अनिलकुमार शाह, करण केसी र आरिफ शेखलाई अधिकतम २ लाख ५० हजार मुल्य तिरेको छ । त्यस्तै बुटबल ब्लास्टर्सले सागर पुनलाई अधिकतम २ लाख ५० हजार रकम खर्चेको छ । पोखरा पल्टनले रोहित कुमार पौडेल र बिनोद भण्डारीलाई अधिकतम मुल्य २ लाख ५० हजार तिर्न तयार भएको छ ।
श्राेतः janasawal.com
२०८० मंसिर २१ - बिहीबार
