काठमाडौं : खाद्य प्रविधि तथा गुण नियन्त्रण विभागले नयाँ बानेश्वरस्थित संगम स्वीट्लाई कारबाही गरेको छ । अनुगमन टोलीले मिठार्इमा अखाद्य वस्तु भेटिएपछि पसललाई सिलबन्दी गरेको हो । अनुगमन टोलीले अखाद्य बस्तु मिसावट गरेर मिठाई बनाएको भेटिएपछि सो मिठाई पसलको उत्पादन केन्द्र र विक्रीवितरण केन्द्र दुवै शील गरेको हो । अनुगमन टोलीले मिठाई पसलको मिलन चोकमा रहेको उत्पादन केन्द्र र नयाँबानेश्वरस्थित विक्री वितरण केन्द्र दुवैको अनुगमन गरेको थियो ।
अनुगमन टोलीले मिठाई बनाउन प्रयोग गर्ने गरेको तेल, पाउडरलगायतका कच्चा सामग्री परीक्षण गरेको थियो । परीक्षणको क्रममा ७ वर्ष अघिको ‘डेट एक्पाएर’ भएको पाउडर समेत प्रयोग गरिएको पाइएपछि मिठाई पसल सिल गरिएको विभागका खाद्य अनुसन्धान अधिकृत ईश्वर सुवेदीले जानकारी दिए।
विभागले पसललाई खाद्य ऐन अन्तरगत कार्वाही गर्ने जनाएको छ । सरकारले उपभोक्ताको स्वास्थ्यमा प्रतिकूल असर पर्न नदिन काठमाडौंलगायत देशभरका मुख्यमुख्य शहरमा अनुगमनको कामलाई तीव्रता दिएको हो ।
श्राेतः janasawal.com
२०८१ चैत्र ५ - मंगलवार
