तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

चाडपर्वको लागि विशेष सुरक्षा रणनीति अपनाइने

न्यूजलाईन्स् मिडिया संवाददाता
प्रकाशित मिति : २०७५ आश्विन १७ गते, बुधबार १४:२३

विराटनगरः जिल्ला प्रहरी कार्यालय मोरङले आउदो दशैँ, तिहार, म्हँ पूजा, छठपर्व सर्वसाधारण जनताले हर्षोउल्लास रुपमा मनाउने वातावरण बनाउनका लागि विशेष सुरक्षा रणनीति अपनाउने भएको छ । जिल्ला प्रहरी कार्यालय मोरङद्वारा आज यहाँ आयोजित समुदायसँग चिया कार्यक्रमको आयोजना गरी चाडपर्वको बेला धेरै भीडभाड हुने स्थानमा सादा पोशाकमा प्रहरी खटाउनुका साथै पैदल र साइकल गस्ती गर्ने प्रहरीको व्यवस्था गरेको जनाएको छ ।

यस्तै वित्तीय संस्था, सुनचाँदीलगायतका अन्य पसलमा सादा पोशाकमा हतियार सहितको प्रहरीको व्यवस्था गरिएको जिल्ला प्रहरी कार्यालय मोरङका प्रहरी उपरीक्षक मनोजकुमार केसीले बताए।

सीमा क्षेत्रमा विशेष सर्तकता, मुख्य मार्ग तथा सहायक मार्गमा सवारी चेकजाँचको विशेष व्यवस्था, जुवातास नियन्त्रण, मादकपदार्थ बिक्री वितरण क्षेत्रमा विशेष अनुगमान, मादकपदार्थ सेवन गरी सवारीसाधन चलाउने विशेष अनुगमन, पटका नियन्त्रण, व्यस्त क्षेत्रमा यौन दुव्र्यवहार नियन्त्रण आदि लगायतका रणनीति अपनाएको उपरीक्षक केसीले बताए ।

यसैगरी चाडपर्वका बेला सीमा क्षेत्रबाट हुने हातहतियार ओसारपसार नियन्त्रण, अवैध पैठारी नियन्त्रण, लागुपदार्थ ओसारपसार नियन्त्रणमा सर्तकता, समाजमा शान्ति सुरक्षा भङ्ग गर्नेलाई नियन्त्रण आदि कार्यमा विशेष सर्तकता अपनाइने भएको छ ।

जिल्ला प्रहरी कार्यालय मोरङले जिल्लालाई नौ क्षेत्रमा विभाजन गरी सुरक्षाका लागि ९५० प्रहरी परिचालन गरिने जनाएको छ ।

श्राेतः janasawal.com

फेसबुक प्रतिक्रिया
सम्बन्धित शीर्षकहरु