दोहाः कतारमा १५० जना नेपाली अलपत्र परेका छन् । उनीहरु कतारको सहानिया स्थित होमटोन इन्टरनेशनल कम्पनीमा अलपत्र परेका हुन् । उनीहरुसँगै लगभग ९०० जना आप्रवासी कामदार अलपत्र परेका छन् ।कम्पनीले बिगत ५ महिना देखि तलब नदिएको तथा घाइते र बिरामीको समेत उपचार नगरेपछिपछि उनीहरु अलपत्र परेका हुन। “कम्पनीले तलब दिदैन खान बस्न पनि समस्या छ ।बत्ति पानी पनि छैन अहिले विभिन्न संघ सस्थाको सहयोगमा बाचेका छौ “पीडितको भनाइ छ।
कम्पनीले आप्रवासी कामदारलाई वेवास्ता गरेपछि ३२ जना पीडित कतार स्थित नेपाली दूतावासमा गए पनि दूतावासले बैकल्पिक काम खोजेर रिलिज लिन अथवा टिकट काटेर स्वदेश फर्किन सुझाव दिएको पीडितहरु बताउँछन्।आफुहरु नेपाल बाट श्रम स्वीकृत लिएर बैधानिक रूपमा कतार आएको भएपनी दूतावासले न्यायका लागि कुनै ठोस पहल गरेको छैन् । रगत पसिना बगाएर काम गरेका छौ, ५ महिनाको तलब पनि दिएको छैन्, घर बाट पैसा मागेर कसरी स्वदेश फर्कने चिन्ता रहेको पीडितको गुनासो छ ।
