दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

गुर्जा हिमाल आरोहणमा गएका ९ जनाको मृत्यु, टोलीमा ५ कोरियाली बाँकी नेपाली

न्यूजलाईन्स् मिडिया संवाददाता
प्रकाशित मिति : २०७५ आश्विन २७ गते, शनिबार १४:५८

म्याग्दी, २७ असोज । म्याग्दीको गुर्जा हिमाल आरोहणमा गएका ९ जनाको मृत्यु भएको छ। टोलीमा ५ कोरियाली नागरिक तथा बाँकी नेपाली रहेका छन्। धवलागिरि गाउँपालिकाकी अध्यक्ष थमसरा पुनले ९ जनाको शव फेला परेको आफूले सूचना पाएको बताइन्। हावाहुरी आएका कारण टेन्टसमेत उडाएको भन्ने खबर आयो, उनले भनिन्। काठमाडौंको ‘प्रोजेक्ट वे’ नामक ट्रेकिङ एजेन्सीबाट १२ जना गुर्जा हिमाल आरोहणका लागि गए पनि अन्य ३ जना भने बीच बाटोबाटै फर्किएका थिए। म्याग्दी प्रहरीले घटनास्थलमा पुग्नका लागि प्रयास भइरहेको जनाएको छ। उद्धारका लागि घटनास्थलमा नेपाली सेनाको हेलिकोप्टर पठाइए पनि अवतरण गर्न नसकेपछि फिर्ता आएको छ। घटनास्थल विकट भएकाले उद्धार र खोजी कार्यमा कठिनाइ हुने बताइएको छ। गुर्जा हिमाल चढ्नका लागि आरोहण टोली गुर्जा गाउँबाट असोज २१ गते बेसक्याम्पतर्फ हिँडेको थियो। टोलीमा भरिया गुर्जा गाउँकै बासिन्दा थिए। तर, उनीहरु सम्पर्कमा नआएपछि स्थानीयबासी खोजीका लागि शुक्रबार बेसक्याम्प गएका थिए।

janasawal.comबाट

फेसबुक प्रतिक्रिया
सम्बन्धित शीर्षकहरु