दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

भुटानको तल्लो सदनको निर्वाचनमा नौ जना नेपालीभाषाी निर्वाचित

न्यूजलाईन्स् मिडिया संवाददाता
प्रकाशित मिति : २०७५ कार्तिक ४ गते, आईतवार ८:३९
काठमाडौं।नौ जना नेपालीभाषी भुटानमा भएको निर्वाचनमा निर्वाचित बनेका छन्। भुटानमा बिहीवार सम्पन्न चुनावबाट नौ जना नेपालीभाषी सांसद निर्वाचित भएका हुन्। भुटानको नेशनल एसेम्ब्ली (संसद)को तल्लो सदनमा निर्वाचित भएका ४७ जनामध्ये नौ जना नेपाली भाषी छन्। नेपाली नौ जना नै भुटानमा चुनाव जितेर सरकार बनाउने तयारीमा रहेको नयाँ पार्टी ड्रुक न्यमन रुव शोग–पा (डिएनटी) बाट निर्वाचित भएका हुन्।

 

भुटानको निर्वाचन आयोगले आधिकारिक रुपमा जनाएअनुसार भुटानमा सांसद निर्वाचित भएका नेपाली भाषीमा जयबीर राई, हेमन्त गुरुङ, लोकनाथ शर्मा, गणेश घिमिरे, दिलमाया राई, दिनेशकुमार प्रधान, टेकबहादुर राई, विमल थापा र गर्जमान राई छन्। नेपाली भाषी सांसदको यो संख्या डिएनटीका ३० जना सांसदको करिब एक तिहाइ हो भने प्रत्यक्ष निर्वाचित ४७ जना सांसद संख्याको करिब २० प्रतिशत हो।

 

हिमाली राज्य भुटानको ७ लाख ५८ हजार कुल जनसंख्यामध्ये सन् २०१७ को अन्तसम्मको तथ्याङकमा ३५ प्रतिशत ल्होत्साम्पा अर्थात नेपाली भाषी रहेको अन्तर्राष्ट्रिय अध्ययनहरूले जनाएका छन्। भुटानीहरु स्थानीय भाषामा नेपालीलाई ल्होत्साम्पा अर्थात ‘दक्षिणका बासिन्दा’ भन्छन्। सन् १९९० को दशकमा भुटानबाट एक लाख १५ हजार नेपाली भाषी विस्थापित भएर पूर्वी नेपालमा शरणार्थी बनेका थिए, जसमध्ये एक लाख भन्दा बढी तेस्रो मुलुकमा पुनस्थापित भैसकेका छन्।

visionsansar.comबाट

फेसबुक प्रतिक्रिया
सम्बन्धित शीर्षकहरु