नेपालगन्ज ।
नेपालबाट भारततर्फ अवैध रुपमा निकासी गर्न लागेको ६७ किलो कालि मरिच प्रहरीले बरामद गरेको छ ।
वडा प्रहरी कार्यालय नेपालगन्जको टोलिले नेपालगन्ज उप–महानगरपालिका १० गोसाईगाउँबाट ६७ किलो कालि मरिच नियन्त्रणमा लिएको हो ।
‘अवैध रुपमा कालि मरिच भारततर्फ निकासी भइरहेको भन्ने सुचनाको आधारमा पुगेको प्रहरीले सो परिमाणको मरिच बरामद गरेको थियो । प्रहरीलाई देखेपछि मरिच तस्करी गर्ने महिलाहरु भागेका थिए ।
बरामद गरिएको काली मरिचलाई आवश्यक कारबाहीको लागि वडा प्रहरी कार्यालय नेपालगन्जले नेपालगन्ज भन्सार कार्यालयको जिम्मा लगाएको छ । नेपालबाट भारततर्फ अवैध रुपमा काली मरिचको निकासी हुने गरेको बताइन्छ ।
onlinenepalgunj.com बाट
