काठमाडौं : अभिनेता बिपिन कार्की दुर्घटनामा परि घाइते भएका छन् । उनी आज बिहान करिब ८ बजे कलंकीमा दुर्घटनामा परेका हुन् । फिल्म ‘जात्रै जात्रा’को सुटिङका लागि बालाजुतर्फ मोटरसाइकलमा जाँदै गरेका बेला विपरीत दिशातर्फबाट आएको मोटरसाइकलको ठक्करबाट कार्की घाइते भएका हुन् ।
दुर्घटनाका कारण उनको दाहिने खुट्टाको हड्डीमा फ्र्याक्चर देखिएको छ । अहिले उनको बल्खुस्थित बयोधा हस्पिटलमा उपचार भइरहेको ‘जात्रै जात्रा’का निर्देशक प्रदीप भट्टराइले बताए । उनको दुर्घटनाले चलचित्रको आजको छायाँकन समेत रोकिएको छ ।
पछिल्लो समयका निकै ब्यस्त अभिनेता उनको ‘जात्रै जात्रा’ लगायत केही चलचित्र छायाँकनमा छन्, भने केही प्रदर्शनको क्रममा छन् । उनी अभिनित चलचित्र ‘प्रसाद’ यही २१ गते रिलिज हुदैछ ।
