बिगत लामो समय देखि नुवाकोट एफ.एम. बाट गुञ्जिने सुमधुर आवाजकी धनी साथै बहु प्रतिभा भएकी लोकप्रिय सञ्चारकर्मी कमला अधिकारीले बुढासुब्बा डिजिटल प्रा.लिको आधिकारिक युट्यूब च्यानल मार्फत भर्खरै सार्वजनिक भएको लोक गीत “बर्खे भेल झै” मा अभिनय गरेर आफ्नो सांगीतिक यात्रा सुरुवात गरेकी छन । सञ्चारकर्मी भएको हुँदा सांगीतिक क्षेत्र देखि नजिक रहेकी उनलाई विभिन्न माध्यमबाट परिचीत थुप्रै कलाकारहरु द्वारा धेरै पटक अभिनयको लागि प्रस्ताव आएपनि त्यति चासो नराख्ने उनले यसपटकको अवसरलाई स्थान दिएको बताउछिन ।
https://youtu.be/beJnSyx-LPk
भोलिका दिनहरुमा अवसरलाई नै निरन्तरता दिएर केही म्युजिक भिडियो आउनसक्ने स्वभाविक नै हो तर यसै क्षेत्रमा संघर्ष गरेर निरन्तरता दिने वा नदिने भन्ने कुरा अहिले नै निर्णय नगरेको उनको भनाई छ । अत्यन्तै सुमधुर स्वरकी धनी चर्चित गायिका काव्य आचार्यको स्वर रहेको साथै रमेश श्रेष्ठको मर्मस्पर्शी लय तथा मार्मिक शब्दमा सृजना गरिएको गीतको भिडियो पनि रमेश श्रेष्ठकै निर्देशनमा तयार पारिएको छ । सागर गौतमको छायांकन रहेको उक्त गीतको भिडियोमा आफु भित्रको प्रतिभा प्रस्तुत गर्दै सांगीतिक यात्रा सुरु गरेकी सुनिता श्रेष्ठको पनि अभिनय देख्न पाइन्छ सुनिता श्रेष्ठ र सुजिता आचार्यको प्रस्तुतिमा बजारमा आएको गीतलाई काव्य म्युजिक सेन्टरले उत्पादन तथा बजार ब्यबस्थापन गरेको छ भने कमला अधिकारी र सुनिता श्रेष्ठसँगै केही समय अगाडि देखि सांगीतिक क्षेत्रमा संघर्षरत सञ्चारकर्मी साथै मोडल शिवराम भण्डारीको अभिनय रहेको छ त्यस्तै भिडियोलाई थप उत्कृष्ट बनाउनेतर्फ सम्पादन गरेका छन ।
