
नायक प्रदीप खड्का र नायिका जसिता गुरुङ अभिनित फिल्म ‘लभ स्टेशन’को ‘इन्ड क्लाप’ गरिएको छ । बुधबार बेलुका ललितपुरको गोदावरी रिसोर्टमा फिल्म युनिटले फिल्मको इन्डक्ल्याप गरेका हुन् । फिल्ममा प्रदिप खड्का र जसिता गुरुङको अलावा रमेश बुढाथोकी, प्रकाश शाह, रेशु भट्टराई, बिनोद कुमार पौड्याल, प्रिया रिजाल, सरु बिष्ट, रवी डंगोल, दिनेश काफ्ले, कालु राना लगायतका कलाकारहरुको अभिनय रहेको छ ।
उज्जवल घिमिरेको निर्देशन रहेका यस फिल्म काफिया फिल्म्स्को व्यानरमा निर्माण भएको हो । फिल्मका प्रस्तुतकर्ता गोविन्द शाही हुन् । फिल्मलाई काफिया शाही र कविर बिक्रम शाहीले निर्माण गरेका हुन् । आलोक शुक्लाको छायाँकन रहेको फिल्मको गीतमा शम्भुजीत बासकोटा, दीपक शर्मा, राजनराज शिवाकोटी र एलिश कार्कीको संगीत रहेको छ ।


