दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

उपराष्ट्रपतिको कार्यालय मंसिर मसान्तभित्र समाज कल्याण परिषद्को भवनमा

न्यूजलाईन्स् मिडिया संवाददाता
प्रकाशित मिति : २०७५ मंसिर ११ गते, मंगलवार १९:४४

 

काठमाडौं– सरकारले मंसिर मसान्तभित्र उपराष्ट्रपतिको कार्यालय लैनचौरस्थित समाज कल्याण परिषद्को भवनमा सार्ने तयारी गरेको छ।

महिला, बालबालिका तथा जेष्ठ नागरिक मन्त्रालयले उपराष्ट्रपतिको कार्यालय लैनचौरस्थित समाज कल्याण परिषद्को भवनमा सार्ने गरी तयारीको कामलाई तीव्रता दिइएको जानकारी गराएको हो।

सोमबार संघीय संसद प्रतिनिधिसभाअन्तर्गतको महिला तथा सामाजिक समितिको बैठकमा मन्त्रालयका सचिव बुद्धिबहादुर खड्काले उपराष्ट्रपति कार्यालय सार्न परिषद्को भवन निर्माण तथा सुधारको काममा सहरी विकास मन्त्रालय लागि रहेकोे जानकारी गराए।

मन्त्रालयले समाज कल्याण परिषद्को कार्यालय भने ललितपुरको पुल्चोकस्थित केन्द्रीय बाल कल्याण समितिको नयाँ भवनमा सार्ने निर्णय पनि गरेको छ। परिषद्का कर्मचारीहरुको मागअनुसार उनीहरुको कार्यालय पुल्चोकस्थित केन्द्रीय बाल कल्याण समितिको नयाँ भवनमा सार्ने व्यवस्था गरिएको पनि सचिव खड्काले बताए।

महिला, बालबालिका तथा जेष्ठ नागरिक मन्त्रालयले राष्ट्रिय आवश्यकतालाई ध्यानमा राखेर उपराष्ट्रपति कार्यालय भवन समाज कल्याण परिषद्को भवनमा सार्ने निर्णय लिएको पनि स्पष्ट पारेको छ। सचिव खड्काले समाज कल्याण परिषद्को कामलाई व्यवस्थित बनाउन आवश्यक ऐन, कानुन संशोधन गर्न लागिएको पनि जानकारी दिए। उनले राष्ट्रिय लेखा प्रणालीमार्फत् सबै गैरसरकारी संस्थाहरुलाई पारदर्शी बनाउने योजना पनि अघि सारे।

राष्ट्रिय तथा अन्तर्राष्ट्रिय गैर सरकारी संस्थाहरुको सहयोगमा निर्माण गरिएको सो भवनमा उपराष्ट्रपति कार्यालय राख्न लागिएकोमा समाज कल्याण परिषद्का कर्मचारीहरुले असन्तुष्टि जनाइरहेका छन्।

यता, सरकारले भने त्यो भवन अर्थ मन्त्रालयको सम्पत्ति भएकाले राष्ट्रिय आवश्यकतालाई ध्यानमा राखेर उपराष्ट्रपति कार्यालय सार्ने निर्णय गरेको स्पष्ट पारेको छ।
फेसबुक प्रतिक्रिया
सम्बन्धित शीर्षकहरु