
काठमाडाै, १३ मंसिर। कल्याणकारी स्वयंसेवक संघ, नेपालले रेडियो प्रसारण विकास समितिको पोखरी लगायत यस ठाउँहरुको कम्पाउण्डको पहिलो र दोस्रो चरणको सरसफाई सम्पन्न गरेकोछ । परिवर्तनका लागि स्वयंसेवक भन्ने मुल नारा लिएर अगाडी बढेको यस संस्थाले आफ्नै सदस्यहरुले शनिवारको समयलाई सरसफाई तथा परोपकारी कार्य गर्दै आईरहेका छन् । यस संस्थामा स्वार्थ भन्दा माथिरहेर खाली समय निस्वार्थ सेवामा समर्पीत हुन्छु भनि आवद्धता भएका ५० औँ स्वयंसेविहरु हिलो, धुलो र पानी नभनी सरसफाई कार्यमा जुटेका थिए । पोखरी सरसफाई को क्रममा पहिलो चरणमा कम्पाउण्ड भित्रबाट ६०० बोरा फोहोर बाहिर निकालेका थिए भने दोस्रो चरणमा १००० बोरा निकालीएको थियो । पोखरी भित्रको हिलो पूर्ण रुपमा बाहिर निकाली यस पोखरीमा पानी लामो समयसम्म रहने गराउनको लागि मर्मतको कार्य पनि संगै भईरहेकोछ ।

यस मर्मत कार्यमा लाग्ने सम्पूर्ण खर्च सस्थाले व्यहोर्ने छ यसका लागि प्राविधिकहरु बाहेक स्वयंसेवकहरु बाट सक्दो श्रम गरिने सस्थाका अध्यक्ष अक्कल बहादुर तामाङ ले बताउनु भएको छ । साथै समय र स्वयंसेवी भावना भएका जो कोहिले पनि यस कार्यमा सहभागिता जनाई सहयोग गर्न सक्ने कुरा बताउनु भएको थियो । सरसफाईमा सहभागि हुनको लागि सस्थाकै सदस्यहरु विश्वको सर्बोच्च सगरमाथाको सफल आरोही छोकी शेपा, प्राध्यापक, विद्याथी तथा महिलाहरुको सकृय सहभागिता रहेको थियो । यस कार्यले विभिन्न समस्याहरुको समाधान एकल प्रयासबाट मात्र सार्थक हुन सक्दैन यसको लागि सामुहिक प्रयास आवश्यक हुन्छ भनी सहकार्य गरि सहभागितामुलक कार्य प्राथमिकताको विसय रहदै आईरहेकोछ । देशमा रहेको स्थिरता शान्ति र विकासका लागि केही गर्नुपर्छ भन्ने अभिप्रेरित हुँदै सचेतनामूलक एवं स्वयंसेवी भावनाका कार्यक्रमहरु सञ्चालन गर्दै आईरहेकोछ ।



