गरिब दुखिको साहारा बन्दै सामाजिक कार्यमा छोटो समयमा नै लोकप्रिय बनेको पहिलो पाइला नेपाल रुपन्देहीले भाग्य बोक्ने झोला अभियान अन्तर्गत केही दिनमै अर्घाखाँचिमा भाग्य बोक्ने झोला बितरण गर्ने भएको छ ।
पहिलो पाइला रुपन्देही शाखाले अर्घाखाँचीका २ विद्यालय जीवनज्योती आधारभुत बिद्यालय र नर्सर आधारभुत बिद्यालयमा यही मङ्सिर २२ गते भाग्य बोक्ने झोला वितरण गर्ने भएको हो । पहिलो पाइला रुपन्देही शाखा बुटवलले पनि स्थापना समय देखिनै भाग्य बोक्ने झोला अभियानलाई तिब्रता दिइरहेको छ ।
यसैक्रममा रुपन्देही शाखाले केही दिनमै अर्घाखाँचीको मालारानि गाउँपालिका वडा नं. ३ खनारमा अबस्थित जिबन ज्योति आधारभुत विद्यालय र नर्सरी आधारभुत विद्यालयमा भाग्य बोक्ने झोला वितरण गर्न लागेको हो ।
गरिब, दिन दुःखी, असाय, अपाङ्ग भएका बिभिन्न विद्यार्थीहरुलाई भाग्य बोक्ने झोला अभियान सञ्चालन गरेर पहिलो पाइला नेपालले देशका बिभिन्न ठाउँमा सक्रिय रुपमा अभियान सञ्चालन गरेको छ ।
अर्घाखाँचीको कार्यक्रमको शन्दर्भमा कुरा गर्दै कार्यक्रम संयोजक केशव खनाल भन्छन हाम्रो अभियानलाई साथ दिदै विभिन्न क्षेत्रका ब्यक्तित्वहरुले सहयोग गरिरहनुभएको छ आसा छ कार्यक्रम सफल हुदा सम्मनै सबैको साथ सहयोग रहने छ ।
सम्बन्धित शीर्षकहरु
