काठमाडौं–मिस नेपाल श्रृंखला खतिवडा मिस वल्र्ड २०१८ को अन्तिम ३० मा आफ्नो ठाउँ बनाउन सफल भएकी छन् । श्रृंखलाले मल्टिमिडिया अवार्ड जित्दै अन्तिम ३० मा आफ्नो स्थान सुरक्षित गरेकी हुन् । मिस वल्र्ड आयोजकले दिएको जानकारी अनुसार मल्टिमिडिया अवार्डका लागि नेपालसहित केन्या, चीन, पोर्टो रिको र बेलायत सान्या टुरिजम भिडियो च्यालेञ्जको उत्कृष्ट ५ मा परेका थिए जसमा सन्या टुरिजम अवार्ड केन्याले जितेको थियो ।
त्यस्तै ओभरअल मल्टिमिडिया फाइनालिस्टमा नेपाल, मेक्सिको र केन्याले स्थान बनाउन सफल भएका थिए । मल्टिमिडिया अवार्डका विजेता एउटा मात्र हुने भएकाले यी तीन फाइनालिस्टमध्ये केन्या र मेक्सिकोलाई पछि पार्दै नेपालकी श्रृंखलाले मल्टिमिडिया अवार्ड हात पारेकी हुन् । यससँगै श्रृंखला मिस वल्र्ड २०१८ को अन्तिम ३० मा पुग्न सफल भएकी छिन्। यस अघि हेड टु हेड च्यालेन्जको फाइनल राउण्डमा श्रृंखला सिंगापुरसँग पराजित भएकी थिइन् ।
सन् २०१८ को मिस वल्र्डमा मिस नेपाल श्रृङ्खला खतिवडाले मल्टिमिडियाको साथै ब्युटी विथ पर्पोजको अवार्ड पनि हात पारेकी छिन् । आफ्नो सामाजिक सञ्जाल इन्सटाग्रामबाट ऋृङ्खलाले यसबारे जानकारी दिएकी हुन् । निकै भावुक देखिएकी ऋृङ्खलाले यो अवार्ड नेपालको लागि र सबै नेपालीको मायाका लागि भएको बताएकी छिन् । ‘रुँदा रुँदा आँखा सुन्निन लागिसक्यो,’ उनले भनेकी छिन् । त्यस्तै, ब्युटी विथ पर्पोजको अवार्ड जित्नु् आफ्नो लागि मिस वल्र्डको उपाधि जित्नुभन्दा पनि ठूलो भएको बताइन् । यसअघि इशानी श्रेष्ठले पनि यो उपाधि हासिल गरेकी थिइन् ।
