दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

५०० क्रियाशील सदस्यताको प्रावधान हटाएर जनसम्पर्क समितिको सभापति स्वतः महाधिवेशन प्रतिनिधि हुनुपर्ने केन्द्रीय सदस्य पाण्डेको माग

न्यूजलाईन्स् मिडिया संवाददाता
प्रकाशित मिति : २०७५ मंसिर २० गते, बिहीबार १८:५६

मंसिर १९, २०७५

काठमाडौं– नेपाली कांग्रेसका केन्द्रीय सदस्य बालकृष्ण पाण्डेले जनसम्पर्क समितिका तर्फबाट २४ महासमिति सदस्य र ५६ महाधिवेशन प्रतिनिधिको व्यबस्था गर्न कांग्रेस केन्द्रीय समितिमा प्रस्ताव गरेका छन् ।

काठमाडौंमा जारी कांग्रेस केन्द्रीय समितिको बैठकमा बुधवार आफ्नो धारणा राख्दै पाण्डेले एक केन्द्रीय सदस्य सहित महाधिवेशन प्रतिनिधि र महासमिति सदस्यको सुनिश्चितता गर्न माग गरेका हुन् ।

जनसम्पर्क समिति भारतका अध्यक्ष समेत रहेका पाण्डेले विश्वभरका जनसम्पर्क समितिको ग्लोवल नेटवर्क बनाउने प्रस्ताव पनि केन्द्रीय समितिमा लगेका छन् । भारतमा जनसम्पर्क समितिका २ सय २० शाखा र ६ सय ६० उपशाखा रहेकोले सोही अनुसारको प्रतिनिधित्व आवस्यक रहेको उनले बताए ।

कांग्रेस केन्द्रीय सदस्य पाण्डेले जनसम्र्क समितिको विधानमा एकरुपता ल्याउन पनि ध्यानाकर्षण गराएका छन् । उनले जनसम्पर्क समितिका प्रतिनिधिहरु महाधिवेशनमा उम्मेदवार बन्न पाउने गरी विधान संशोधनको माग राखेका छन् । ५०० क्रियाशील सदस्यताको प्रावधान हटाएर जनसम्पर्क समितिको सभापति स्वतः महाधिवेशन प्रतिनिधि हुनुपर्ने माग गरे ।

केन्द्रीय सदस्य पाण्डेले कांग्रेसमा सातवटा सहमहामन्त्रीको व्यबस्था गर्न पनि माग गरेका छन् । सातवटै प्रदेशको इनचार्ज सहमहामन्त्री हुने व्यबस्था गर्दा कांग्रेसलाई फाइदा पुग्ने उनको दावी छ । पार्टीलाई संघीय स्वरुपमा लैजान सहमहामन्त्रीको मातहतमा प्रदेश कमिटी राख्नु उपयुक्त हुने उनले बताए । पाण्डेले सभापतिलाई शक्तिशाली बनाउनु पर्ने धारणा राखे ।

बुधवारको बैठकमा महेन्द्र यादव, गुरु घिमिरे, अम्बिका बस्नेत लगायत सदस्यहरुले धारणा राखेका छन् । मंगलवारको बैठकमा केन्द्रीय सदस्य गगन थापाले ७० बर्ष पुगेपछि पदाधिकारीले अवकास लिनुपर्ने प्रस्ताव गरेका थिए ।

श्राेतः lokaantar.com

 

फेसबुक प्रतिक्रिया
सम्बन्धित शीर्षकहरु