काठमाडौं, २३ मंसिर । पछिल्लो समयलाई हेर्ने हो भने नेपाली फिल्महरुको माग विदेशमा पनि बढ्ढो क्रममा गईरहेको छ । नेपाली फिल्महरुले पनि विदेशी बजारमा आफ्नो स्थान राम्रो बनाईरहेको छ । यही क्रममा फिल्म ’सुश्री सम्पति’ पनि अब जापान , दक्षिण कोरिया र युरोपमा पनि प्रदर्शन हुने भएको छ । फिल्म युरोपको लागि सुरज कार्कीले प्रदर्शनको जिम्मा लिएका छन् भने जापान र कोरियोको लागि सुर्य कर्पोरेसनका बासुदेव लामिछानेले प्रर्दशनको लागि जिम्मा लिएका छन् ।
मंसिर २८ गतेबाट अल नेपाल रिलिज हुने फिल्म ’सुश्री सम्पति’ मा रङ्ग पत्रकार सुव्रत आचार्यको लेखन तथा निर्देशन, अर्जुन तिवारीको छायांकन र भरत रेग्मीको सम्पादन रहेको छ । फिल्ममा प्रमोद अग्रहरी, राजाराम पौडेल, विशारद बस्नेत, सुनिता श्रेष्ठ ठकुरी लगायतका कलाकारहरुको अभिनय रहेको छ । फिल्ममा प्रियंका कार्कीको अतिथि भूमिकामा देखिनेछिन् ।
रमेश त्वायना प्रस्तुतकर्ता रहेको ‘सुश्री सम्पत्ति’ लाई विज्ञान राई, नुनम सुब्बा र रमन सिलाकारले सयुक्त निर्माण गरेका हुन् । फिल्मलाई उपत्यकामा बिके फिल्मसका गोपाल काजी कायस्थ र मोफसलमा एफडी कम्पनीले वितरण गर्नेछ ।
फिल्मी फण्डाबाट
२०८१ बैशाख ६ - बिहीबार
