एनआरएनए शुद्धिकरणको लागि हाम्रो लडाई जारी छ: आर के शर्मायस्तो छ आजको मौसम पूर्वानुमानहेर्नुस् आज फाल्गुण २२गते मंगलबारको राशिफलनेपाल हेभी इक्विपमेन्ट व्यवसायी संघ काठमाडौमा  महेश कुँवरको नेतृत्वविकास शिल्ड उपाधि पुरुषतर्फ सशस्त्र प्रहरी बल एपीएफ र महिलातर्फ सुदुरपश्चिम प्रदेशलाईमधेशी एकता समाजको होली समारोह धुमधाम र भव्यताका साथ दुबईमा सम्पन्नHONOR Wins 45 Media Awards at MWC 2024नयाँ गठबन्धन निर्माणसँगै प्रधानमन्त्री पुष्पकमल दाहाल प्रचण्डले तीन जना मन्त्री नियुक्तनेपाल मेडिकल कलेजमा श्रवण सम्बन्धी निःशुल्क स्वास्थ्य जाँचलक्ष्मी ग्रुपका अध्यक्ष श्रेष्ठलाई ‘कर्पोरेट लाइफटाइम अचिभमेन्ट अवार्ड’, को हुन् उनी ?

झोला पाउँदा अभिभावक भावुक

न्यूजलाईन्स् मिडिया संवाददाता
प्रकाशित मिति : २०७५ मंसिर २४ गते, सोमबार १८:३२
“सधै परिवर्तनका लागि” नारा बोकेर स्थापित पहिलो पाईला नेपाल नामक सामाजिक सस्थाले विपन्न वर्गको उत्थानका लागि देश्ब्यापी रुपमा सन्चालन गरिरहेको भाग्य बोक्ने झोला अर्घाखाँची जिल्लामा वितरण गरेको छ ।
अर्घाखाँची जिल्ला मालारानी गाउपालिका वडा न ३ स्थितका बिध्यालय हरु श्री नर्सरी आधारभुत र श्री दिप ज्योति आधारभुत बिध्यालयका जम्मा ६४ जना विद्यार्थीहरुले भाग्य बोक्ने झोला पाएका हुन । विपन्नताको उच्च रेखामुनि रहेका बालबालिका हरुको पढ्न पाउने नैसर्गिक अधिकार हनन नहोस् भन्ने अभिलाषाका साथ बि. स. २०७४ साल माघ ८ गते बाट सुरु भएको अभियान यहि मंसिर २२ गते अर्घाखाँची पुगेको हो । देशब्यापी रुपमा युवा एकता कायम गर्दै, युवा वर्गमा सामाजिक चेतना अभिवृद्धि गर्ने उद्देश्य लिएको यश सामाजिक सस्थाले आफ्नो बुटवल साखाको आयोजनामा अर्घाखाँचीमा कार्यक्रम सम्पन्न गरेको हो ।
बुटवल साखाले आयोजना गरेको भाग्य बोक्ने झोला वितरण कार्यक्रम अर्घाखाँचीको कार्यक्रम संयोजक सदस्य केशव खनालले गरेका थिए । झोला सहितको अन्य स्टेसनरी सामग्रीहरु कपी, कलम इरेजर साप्नर भएको उक्त भाग्य बोक्ने झोला बुटवलमा तयार गरिएको थियो । पहिलो पाईला नेपालका वरिष्ठ सल्लाहकार उमेश बोहरा, देशब्यापी भाग्य बोक्ने झोला अभियानका अभियान संयाेजक सुरज गिरी आभासको समेत उपस्थिति रहेको उक्त कार्यक्रममा मालारानी गाउँपालिकाका उपाध्यक्षको प्रमुख आतिथ्य थियो । प्रमुख प्रशासकीय अधिकृत,गाउँपालिका शिक्षा अधिकृत,वडा सदस्यहरु, प्रहरी नायब निरीक्षक, विभिन्न राजनैतिक दलका प्रतिनिधिहरु, पत्रकारहरु समेतको उपस्थिति रहेको कार्यक्रममा बाक्लो संख्यामा स्थानीय अभिभावकहरुको पनि उपस्थिति रहेको थियो ।
औपचारिक कार्यक्रमको अध्यक्षता ग्रहण गर्दै बुटवल साखाका अध्यक्ष बिष्णु राज महत ज्युले स्थानिय सरकारलाई शिक्षा क्षेत्रमा अग्रसर हुन घचघचाउनु भएको थियो, कार्यक्रम सन्चालकको भुमिकामा रहनुहुने साखा सचिव आयुष पौडेल ज्युले सस्थाको पृष्ठभुमि र हालसम्म सम्पन्न भएका कार्यक्रमहरुको संक्षिप्त जानकारी गराउनु भएको थियो । कार्यक्रममा उपस्थित बालबालिकाहरुलाई सर्वप्रथम सम्बोधन गरि, आफ्नो बालबालिकाहरु एउटा कापी र कलम नपाएर बिध्यालय जान नपाउने अबस्था कदापि सिर्जना नगर्नु हुन देश्ब्यापी अभियानका संयोजक सुरज गिरी आभासले अभिभावक समक्ष अनुरोध गर्नु भयो । कार्यक्रममा उपस्थित सबैले भाग्य बोक्ने झोला अभियानको खुलेर तारिफ गरेका थिए । अभियान समय सापेक्ष भएको र यस्ता अभियान अझ विकट स्थान हरुमा पनि सन्चालन गरिनु पर्ने कुरामा सबैले जोड दिनु भयो ।
वि. स. २०७५ माघ ८ गते लमजुङ बाट सुरु भएको यश अभियानले १० महिना १५ दिनको समयावधिमा १००० झोला वितरण गरिसकेको छ । १००८ झोला वितरण भैसकेको छ भने यहि पुस मा नेपालको सुदुर पश्चिम क्षेत्र अन्तर्गतको कैलाली जिल्लामा भाग्य बोक्ने झोला वितरणका साथै एक बाल शिक्षा सदन स्थापनाको तयारी रहेको जानकारी प्राप्त भएको छ ।
फेसबुक प्रतिक्रिया
सम्बन्धित शीर्षकहरु