काठमाडौं । अहिलेका सुपरस्टार अनमोल केसी र अर्का स्टार नायक प्रदिप खड्का बीच फिल्मी बजारमा प्रतिस्पर्धा हुने गरेको छ । व्यक्तिगत रुपमा एकले अर्काको वारेमा कुनै क्रिया र प्रतिक्रिया अहिले सम्म दिने गरेका छैनन् । तर पनि नेपाली फिल्म क्षेत्रमा यी दुईलाई प्रतिस्पर्धीको रुपमा हेर्ने गरिन्छ ।
अनमोल केसी र प्रदिप खड्का फिल्म क्षेत्रमा मात्र हैन सामाजिक सञ्जालमा पनि प्रतिस्पर्धी देखिएका छन् ।विहीवार ओएसआर डिजिटलको आधिकारिक युट्युब च्यानलबाट अनमोल केसी अभिनित फिल्म क्याप्टेनको गीत रिलिज गरिएको छ भने सोही समयमा बुढासुब्बा डिजिटलको आधिकारीक युट्युब च्यानलबाट प्रदिप खड्का अभिनित फिल्म लिलिबिल्ली अपलोड गरिएको छ । सामाजिक सञ्जाल युट्युब मा पनि बुढासुब्बाले प्रदिपलाई अनमोलको प्रतिस्पर्धा बनाएका छन्।
