हेर्नुस् आज साउन ८ गते मंगलबारको राशिफल१७ करोडको लागतमा निर्माण भएको तारकेश्वर नगरपालिकाको प्रशासनीक भबन उदघाटनविद्यार्थीहरुको मागप्रति आईक्यान जिम्मेवार नभएको भन्दै एनकासाद्वारा चरणवद्ध आन्दोलन घोषणासिद्धिश्वरमान अक्षयलोक साहित्यक केन्द्रले बिभिन्न बिधाका २२ भन्दा बढि व्यक्तिहरूलाई सम्मानप्रोफेसनल एजुकेटर्स लिमिटेड र नेपाल लाइफ इन्स्योरेन्स (एनएलआईसी) बीच इक्विटी लगानी सम्झौता सम्पन्नदीपालाई वर्ल्ड स्ट्रेन्थलिफ्टिङ एण्ड इन्क्लाइन बेन्च प्रेसमा स्वर्ण पदकश्रावण सोमबार शिवजीको व्रत किन बस्ने?मिथिला शर्माको गुरुदक्षिणाहेर्नुहोस् आज साउन ७ गते सोमबारको राशिफलसेन्ट जर्ज स्कुलमा गुरुपूर्णिमा सम्पन्न

इपिएलमा काठमाडौँलाई ६ विकेटले पराजित गर्दै भैरहवा ग्लाडियटर्स पुग्याे फाइनल

न्यूजलाईन्स् मिडिया संवाददाता
प्रकाशित मिति : २०७५ पुष ५ गते, बिहीबार १९:३६

काठमाडौँ। एभरेष्ट प्रिमियर लिग (इपिएल) अन्तर्गत काठमाडौँ किंग्स इलेभेनलाई पराजित गर्दै भैरहवा ग्लाडियटर्स प्रतियोगिताको फाइनलमा प्रवेश गरेको छ। काठमाडौँ किंग्सले दिएको १०१ रनको लक्ष्य पछाएको भैरहवाले १७ ओभरमा ४ विकेट गुमाउदै लक्ष्य पुरा गरेको थियो। भैरहवाले ६ विकेटको सहज जित हासिल गर्दै फाइनलमा पुगेको हो।

भैरहवालाई फाइनलमा पुर्याउने क्रममा रायन टेन डेओसचटले सर्वाधिक ४५ रन बनाएका थिए भने रवि इन्दर सिंहले ३१ रन बनाएका थिए। त्यस्तै प्रदीप सिंह ऐरीले २, आरिफ सेखले ५ रन बनाएका थिए। त्यस्तै कप्तान शरद भेस्वाकरले अविजित ६ रन र रोहित पौडेलले अविजित ९ रन बनाएका थिए।

त्यस्तै काठमाडौँका बलर सम्सद सेखले २ विकेट लिए भने प्रदीप साहुले एक विकेट लिएका थिए।  त्यस्तै एक विकेट रन आउटको रुपमा लिएका थिए।  यसअघि पहिला ब्याटिंग गरेको काठमाडौँले २० ओभरमा अल आउट हुदै १०० रन मात्र बनाएको थियो । काठमाडौँलाई १०० रनमा रोक्न भैरहवाले उत्कृष्ट बलिङ्ग र फिल्डिंग गरेको थियो। भैरहवाका लागि कुशल मल्लले सर्वाधिक ३ विकेट लिएका थिए। कुशलले ४ ओभरमा २० रन दिएर काठमाडौँका ३ विकेट लिएका थिए। उनले काठमाडौँका अमित श्रेष्ठ, नरेश बुढा र केभिन ओ ब्रायनलाई आउट गरेका थिए।

त्यस्तै कप्तान शरद भेस्वाकर र अभिनाश बोहोराले पनि किफायती बलिङ्ग गर्दै एक एक विकेट लिएका थिए। शरदले २ ओभरमा केवल ४ रन दिएर एक विकेट लिए भने अभिनाशले ३ ओभरमा ११ रन दिएर एक विकेट लिएका थिए। त्यस्तै मोहमद नावीदले दुई विकेट लिएका थिए। काठमाडौँका लागि सन्दीप रजालीले सर्वाधिक २७ रन बनाए भने प्रदीप साहुले २५ रनको योगदान दिए। त्यस्तै अमित श्रेष्ठले १३ रन बनाए। काठमाडौँका अन्य ब्याट्सम्यानले  दोहोरो अंकमा रन बनाउन सकेनन्। काठमाडौँका रोहन मुस्तफाले ६, नरेश बुढाले २, केभिन ओ ब्रायन शुन्य, सोमपाल कामीले ७, सिद्धान्त लोहोनीले ४ र  राजु रिजालले १ रन बनाएका थिए। त्यस्तै जितेन्द्र मुखियाले २ रन बनाएका थिए भने सम्सद सेख शुन्य रनमा आउट भएका थिए । काठमाडौँका तीन खेलाडी रन आउट भएका थिए।

जितसँगै प्रतियोगिताको फाइनल खेल ललितपुर प्याट्रीयटस र भैरहवा ग्लाडियटर्सबीच हुने भएको छ। फाइनल खेल शनिबार हुने छ।

फेसबुक प्रतिक्रिया
सम्बन्धित शीर्षकहरु