काठमाडौँ : बलिवुडमा सन् २०१८ मा बलिवुड बक्स अफिसमा संजु, पद्मावत जस्ता ठुला बजेटका फिल्मले राम्रो कलेक्सन गरे भने बधाई हो, स्त्री जस्ता सानो बजेटका फिल्मले सय करोडको व्यापार गरेर सबैलाई चकित बनाए । सलमान खानका लागि २०१८ त्यति राम्रो देखिएन । उनको फिल्म रेस-३ बक्स अफिसमा असफल भयो भने उनले होस्ट गरेको रियालिटी टिभी शो ‘बिग बोस’ पनि त्यति सफल हुन् सकेन । त्यस्तै अर्को टिभी शो ‘दसका दम’ पनि दर्शकलाई तान्न त्यति सफल देखिएन ।

तर अहिलेसम्म बलिवुड फिल्मको बक्स अफिस रेकर्ड हेर्ने हो भने सलमान खान नै बक्स अफिसका एक मात्र यस्ता स्टार हुन् जसका सबै भन्दा धेरै १३ फिल्मले सय करोडको आँकडा पार गरेका छन् । त्यस्तै उनका ३ फिल्मले बक्स अफिसमा ३ सय करोडको आँकडा पार गरेका छन् । सलमानका फिल्म दबंग, रेडी, बडीगार्ड, दबंग-२, एक था टाइगर, टाइगर जिन्दा है, जय हो, बजरंगी भाइजान, रेस-३, सुल्तान, किक, प्रेम रतन धन पायो, ट्युबलाइट रहेका छन् .जसमा बजरंगी भाइजान, सुल्तान र टाइगर जिन्दा हैले भारतीय बक्सअफिसमा ३ सय करोडको आँकडा पार गरेका थिए ।

सलमानपछि भारतीय बक्सअफिसमा धेरै सय करोड क्लबमा पुगेका अभिनेता अक्षय कुमार हुन् । अक्षयका ९ फिल्मले बक्स अफिसमा सय करोड क्लब पार गरेका छन् । अक्षयका फिल्म ट्वाइलेट एक प्रेम कथा, रुस्तम, एयर लिफ्ट, राउडी राठोर, जोली एलएलबि-२, हाउसफुल-२, हाउसफुल-३, गोल्ड र होलिडे रहेका छन् ।   त्यस्तै अभिनेत्रीमा भने दीपिका पदुकोनेका ७ र कट्रिना कैफका ६ फिल्म सय करोड क्लबमा पुगेका छन् । जसमा दीपिकाका बाजीराव मस्तानी, पद्मावत, चेन्नई एक्प्रेस, ह्याप्पी न्युइयर, ये जवानी है दिवानी, रामलीला र रेस-२ रहेका छन् भने कट्रिना कैफका एक था टाइगर, टाइगर जिन्दा है, धूम-३, ठग्स अफ हिन्दोस्तान, ब्यांग ब्यांग, जब तक है जाँ रहेका छन् । त्यस्तै भारतीय बक्स अफिसमा ५ सय करोडको कलेक्सन गर्ने बाहुबली-२ हो ।

त्यस्तै निर्देशकमा भने सबै भन्दा धेरै सय करोड क्लबका फिल्म निर्देशन गर्ने निर्देशक रोहित शेठी हुन् । उनले चेन्नई एक्प्रेस, सिन्घम, सिन्घम-२, गोलमाल, गोलमाल अगेन, गोलमाल-३,  दिलवाले र सिम्बा गरी कुल ८ फिल्म सय करोड क्लबमा पुगेका छन् ।

श्राेतः janasawal.com