दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

मोटरसाइकल सेवालाई कारवाही

न्यूजलाईन्स् मिडिया संवाददाता
प्रकाशित मिति : २०७५ माघ १ गते, मंगलवार १९:३७

काठमाडौ। काठमाडां उपत्यकामा मोवाइल एम्पसको माध्यमवाट मोटरसाइकलले पनि मज्जाले यात्रु बोक्न थालेको छ। यात्रुले उवर, टुटल, पठाओ लगायतका मोवाइल एप्समा यात्रुवाहक मोटरसाइकललाई बुक गर्नासाथ यात्रुले भनेकै स्थानमा आइपुगेर यात्रुले भनेको स्थानमा पुर्याइदिने सेवा चुपचाप मज्जाले भैरहेको पाइएको छ।

त्यसरी मोटरसाइकलवाट सेवा प्रदान गरेवापत निश्चित शुल्क सेवादायकले यात्रुवाट लिने गरेको छ। भित्र–भित्रै निक्कै मौलिदै गएको मोटरसाइकल सेवालाई प्रहरीले कारवाही शुरु गरेको छ। त्यसरी मोटरसाइकलले यात्रु वोक्ने कार्य नियमविपरित भएको महानगरीय ट्राफिक प्रहरी महाशाखाले भनेको छ। नियमविपरीत यात्रु बोक्ने मोटरसाइकललाई कारवाही शुरु गरेको पनि महाशाखाले भनेको छ।

उवर, टुटल, पठाओलगायतका मोबाइल एप्स सञ्चालन गरी यात्रु बोक्ने गरेका विशेष सूचनाका आधारमा चारवटा मोटरसाइकललाई कारवाही गरिएको हो। महाशाखाले बा २६ प ९९४६, बा ३५ प ८०३४, बा ९३ प ८५१९, लु २० प ७६३४ र प्रदेश ३–०२–००३ प ६५८२ नम्बरको मोटरसाइकलका चालकलाई कारबाही गरिएको छ।

महानगरीय ट्राफिक प्रहरी महाशाखाका प्रमुख एवं प्रहरी वरिष्ठ उपरीक्षक बसन्त पन्तले निजी सवारी साधनले पैसा लिएर यात्रु बोक्न नपाइने भएकाले कारवाही गरिएको बताएका छन्।

यातायात व्यवस्था ऐन २०४९ को दफा ८ को उपदफा १ बमोजिम दर्ता भएका सवारी साधनले उपदफा २ बमोजिम निजी सवारी साधन यातायातका लागि प्रयोग गर्न नपाइने व्यवस्था गरेकाले सोहीअनुसार कारवाही गरिएको पन्तले बताए।

कारवाही गरिएका मोटरसाइकल चालकलाई रु एक हजारसम्म जरिवाना गरिएको महाशाखाले जनाएको छ।

श्राेतः visionsansar.com

फेसबुक प्रतिक्रिया
सम्बन्धित शीर्षकहरु