कोही माया नपाएर अनफ्रेण्ड हुन्छन्, कोही पैसा नपाएर बोल्न छोड्छन्
अरु के भनौँ र, समय र संवाद नपाएपछि यहाँ,मनको बह खोल्न छोड्छन्
जागिर जागिर जागिर जागिर,सयौँ सयौँ पटक भनिसकेका छन् सयौँले
मसँग छैन आश नगर्नु भनेपछि, रात्रीकालिन सपनाहरु बिथोल्न छोड्छन्
सपना त अनमोल हुन्छ, साह्रै सस्तो भएपछि मात्र बजारमा बिक्छ भन्नेहरु
मेरो सपना हाट बजारमा खुल्ला बिक्रिमा, तर उनीहरु मोल्न छोड्छन्
हिजोसम्म आफ्ना कुरा भन्थेँ मैले, उनी पनि साट्थिन उनका मनका बहहरु
एक वाक्यलाई अपुरो मात्र छोडिदिँदा, भावनासँग भावनाहरु घोल्न छोड्छन्
आलो छँदा पीडा हुन्छ धेरै, सायद सहन नसकिने पनि हुन कसैलाई
तर समय बिस्तारै परिवर्तन हुन्छ, यी र यस्ता पीडाले पोल्न छोड्छन्
२०८२ बैशाख ९ - मंगलवार
