काठमाडौं । बर्दियामा गोली चलेको छ । हत्या आरोपीलाई पक्राउ गर्न प्रहरीले गोली चलाएको हो । पक्राउ पर्नेमा युवराज गिरी छन् । यसअघि २६ माघमा बाँकेको कोहलपुरमा नेपाल प्रहरीको असई पदमा भर्ना हुन सुर्खेतबाट कोहलपुर पुगेका दीपकसिंह ठकुरीको विभत्स हत्या भएको थियो । घटनामा संलग्न भरत शाहीलाई प्रहरीले केहीदिन अघि सुर्खेतबाट पक्राउ गरिसकेको थियो ।  इलाका प्रहरी कार्यालय, कोहलपुरका डीएसपी रमेशबहादुर सिंह नेतृत्वको टोलीसँग आरोपी गिरीको बर्दियामा जम्काभेट भएको थियो । भाग्न खोजेपछि प्रहरीले गोली चलाएको हो ।