काठमाडौं–प्रधानमन्त्री केपी शर्मा ओलीले आफू जनताको नोकर बन्ने तर शासक नबन्ने बताएका छन् । विश्व आर्थिक मञ्चको कार्यक्रममा भाग लिन स्विजरल्याण्डको डाभोस पुगेका ओलीले प्रजातन्त्रको सून्दरता भनेकै नागरिकमैत्री शासन भएको बताए । सेपिङ द फ्युचर अफ डेमोक्रेसी शिर्षकको सेसनमा ओलीले नागरिकको हितमा काम गर्ने नेता भएको भन्दै नागरिकका हक अधिकार सुरक्षित नभएसम्म त्यो प्रजातन्त्र दिगो नहुने पनि बताए ।नेपालले पूर्णरुपमा लोकतन्त्रको उपभोग गरिरहेको भन्दै ओलीले यही शासन प्रणालीमार्फत सुखी नेपाली, समृद्ध नेपालको चाहना पूरा गर्ने बताए । नेपालमा एकतान्त्रिक शासनको अन्त्य भएको र नागरिकले चुनेका नागरिकका प्रतिनिधि सत्तामा रहेका भन्दै ओलीले केन्द्रमा भएका धेरै अधिकार तल्लो तहमा पुगेको पनि दावी गरे । साथै उनले नेपाल केन्द्रीकृत मानसिकतामा नभएको पनि स्पष्ट गरे ।(जनसवाल दैनिक )
२०८२ बैशाख ९ - मंगलवार
