
काठमाडौं। बालाजु बाइपासस्थित नागार्जुन निकुञ्ज र शिवपुरी राष्ट्रिय निकुञ्जभित्र निर्माण भएका १९ वटा पर्यटन क्लाइम्बिङ गर्ने रुट फोहर भएकोमा त्यसलाई सफाई गर्ने कार्य भएको छ। पर्यटन व्यवसायी आङ पासाङ शेर्पा र गेल्जे शेर्पाको पहलमा सरसफाई कार्यक्रम भएको हो।
विगत १८ बर्षअगाडि निर्माण भएको उक्त १९ वटा रुट केही बर्षदेखि अत्यन्त फोहर भएकोमा क्लाइम्बिङ गर्न कठिनाई भैरहेको थियो। आङ पासाङ शेर्पा र गेल्जे शेर्पाको संयुक्त प्रयासवाट ती रुटहरुमा सरसफाई भएपछि क्लाइम्बिङ गर्न सहज हुन पुगेको पर्यटन व्यवसायीहरुको भनाई रहेको छ। क्लाम्बिङको रोमाञ्चकतालाई अझ सहज र सुरक्षित बनाउनका लागि थप ढुंगालाई खोपेर डोरीमा झुण्डिन मिल्ने गरेर सामाग्री जडान गरिएको छ। जसवाट साहसिक खेल, पदयात्रा र पर्वतारोहणका लागि नभइ नहुने रक क्लाइम्बिङ विस्तार भएको आङ पासाङ र गेल्जे शेर्पा दुवैले भनेका छन्।

क्लाइम्बिङको १९ वटा रुटमा रुट नंबर १९ को रक फल डाउन हुने खतरा भएकोले त्यस रुटमा खतरा लेख्ने कार्य पनि दुवैले गरेको बताएका छन्। उनीहरुका अनुसार रुट नंबर १ देखि १८ सम्मभने संपूर्ण रुपमा सुरक्षित रहेको छ। क्लाइम्बिङ स्पटमा प्रवेश गर्न पहिला जनही नगद ५ सय रुपैया तिर्नुपर्नेमा हाल शेर्पाव्द्यको पहलवाट हाल २ सय ५० रुपैया तिरे पुग्ने भएको छ।
आङ पासाङ शेर्पा पिके एभरेष्ट भ्यू ट्रेकिङका प्रवन्धक हुन भने गेल्जे शेर्पा एक्सपेडिसन प्रालिका माउण्टेन गाइड हुन। यो रक क्लाम्बिङ रुट निकुञ्जभित्र भएपनि काठमाडौं उपत्यकावाट सवैभन्दा नजिक भएको उनीहरुको दावी रहेको छ। यस कार्यवाट सन् २०२० सालको भिजिठट नेपाल तथा आन्तरिक पर्यटन प्रवद्र्धनमा टेवा पुग्ने आशा गरिएको छ।


