दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

टान संयुक्त ल्होसार सांस्कृतिक कार्यक्रम फेब्रुवरी ७ मा आयोजना हुँदै

न्यूजलाईन्स् मिडिया संवाददाता
प्रकाशित मिति : २०७५ माघ १५ गते, मंगलवार १८:३९

माघ १५ काठमाडौं । ट्रेकिंग एजेन्सिज् एसोसिएसन अफ नेपाल (टान) ले वितग दुई दशकदेखि आफ्नो क्यालेण्डर अनुसार वार्षिक कार्यक्रमको रुपमा हिमाली तथा पहाडी क्षेत्रमा बसोबास गर्ने विभिन्न समुदायहरुले नव बर्षको रुपमा मनाइने ’ल्होसार’ लाई टानले टान संयुक्त ल्होसारको रुपमा मनाउंदै आएको छ । यस वर्ष टान संयुक्त ल्होसार सांस्कृतिक कार्यक्रम कठ्माण्डौं को Lainchaur Banquet मा फेब्रुवरी ७ मा आयोजना गर्ने तयारी गरेको छ ।

टानले यस कार्यक्रमलाई पृथकता दिदैं नेपाल सरकारले घोषणा गरेको भिजिट नेपाल – २०२० अभियानलाई प्रवद्र्धन गर्न साथै यस चाडलाई एउटा भिन्न पर्यटन उपजका रुपमा विकास गर्दै लैजाने उद्देश्यले यस पटक पनि भव्य रुपमा टान संयुक्त ल्होसार सांस्कृतिक कार्यक्रम मनाउन गइरहेको हो ।

शेर्पा, गुरुङ, तामाङ्ग, ह्याल्मो लगायत हिमाली तथा पहाडी क्षेत्रमा बसोबास गर्ने विभिन्न समुदायहरुको संस्कृतिक प्रस्तुती, ख्यातीप्राप्त हाँस्य कलाकारहरुको प्रदर्शन, विभिन्न गायक /गायिकाहरुको सांगीतिक प्रस्तुती, डिजे सेसन, डिनर कार्यक्रम साथै डोर प्राइजहरु ‘टान संयुक्त ल्होसार सांस्कृतिक कार्यक्रम २०१९’ को मुख्य आकर्षण हुनेछ ।

कार्यक्रममा राजनैतिक व्यक्तित्वहरू, उच्च स्तरका सरकारी निकायका प्रतिनिधिहरु, विभिन्न पर्यटन संघ संस्थाहरु, टानका सदस्य कम्पनीहरु, पर्यटन उद्यमीहरू र पत्रकारहरूको सहभागिता देख्न सकिनेछ । टान संयुक्त ल्होसार सांस्कृतिक कार्यक्रमको संयोजक ऋतु ग्याम्दान लगायत सबै टानका कार्यसमितिहरुले यस कार्यक्रमलाई भव्य रुपमा सफल पार्न सम्पूर्ण तयारी सकिसकेका छन् ।

टान संयुक्त ल्होसार सांस्कृतिक कार्यक्रममा सहभागी हुन मुल्य रु.१६६९ कोे टिकट खरिद गर्न सकिनेछ । उक्त टिकट टान सचिवालय, मालिगाउँ र टिम्स काउन्टर, सातघुम्ती, ठमेलमा उपलब्ध रहेको छ ।

फेसबुक प्रतिक्रिया
सम्बन्धित शीर्षकहरु