युएईसँग श्रम सम्झौता नबिकरण गर्न छलफल

न्यूजलाईन्स् मिडिया संवाददाता
प्रकाशित मिति : २०७५ माघ १८ गते, शुक्रबार २०:२४

युएई , श्रम सम्झौता मस्यौदाको बिषयमा युएईसँगको छलफलमा नेपाली प्राविधिक टोलीले कामदारको सुरक्षा, सेवा सुविधा र शून्य लागतको विषयलाई मुख्य रुपमा उठाएको जनाएको छ । युएईको श्रम तथा मानव संशाधन मन्त्रालयमा बुधबार र बिहीबार भएको छलफल वैदेशिक रोजगारलाई व्यवस्थित, मर्यादित र सुरक्षित बनाउने विषयमा छलफल भएको  थियो । छलफलमा सहभागी प्राविधिक टोलीले राखेका विषयमा दुवै पक्ष सकारात्मक रहेको र कतिपय फरक बुझाइ रहेको विषयमा स्पष्ट पारिएको छलफलमा सहभागी कार्यबाहक राजदूत सागरप्रसाद फुयाँलले बताए । उनले भने, ‘सन् २००७ सालमा भएको एमओयुका बारेमा थप परिमार्जित गर्न यहाँको निकाय सकारात्मक देखिएको छ । कामदारको न्युनतम तलब, घरेलु कामदारको समस्या समाधान, शून्य लागत, बीमालगायतका बिषयमा समेत युएई सकारात्मक छ । नेपाली टोलीले शुन्य लागतमा नेपाली कामदारले रोजगारीमा आउदा कुनै खर्च गर्नु नपर्ने विषयलाई जोड दिएको छ । दुवैपक्षका टोलीले छलफलमा प्रस्तुत गरेका विषयलाई माथिल्लो तहमा पेश गर्नेछन् । त्यसपछि त्यहाँ अझै छलफल गर्नुपर्ने आवश्यकता हेरेर सहमतिमा पुगिने कार्यबाहक राजदूत फुयाँलले बताए । छलफलमा नेपालबाट आएको ५ सदस्यीय प्राबिधिक टोली र दूतावासका तर्फबाट कार्यबाहक राजदूत सागरप्रसाद फुुयाँल, श्रमकाउन्सिलर  भेषबहादुर कार्की र श्रम सहचारी मोतिराम भुसाल सहभागी रहेका थिए । युएईको तर्फबाट मानव संशाधनमन्त्री नाशर बिन थानी जुमा अल हाम्लीका सल्लाहकारसहित मन्त्रालयका सञ्चार तथा अन्तर्राष्ट्रिय सम्बन्ध हेर्ने सहसचिव डाक्टर ओमार अलनुवाईमी पनि छलफलमा सहभागी थिए । यूएईसँग सन् २००७ मा गरिएको श्रम सम्झौता नबिकरण गर्न लागिएको छ  ।

श्राेतः janasawal.com

फेसबुक प्रतिक्रिया
सम्बन्धित शीर्षकहरु