मलेसिया,धुर्मुस सुन्तली फाउण्डेसनले निर्माण गर्न लागेको गौतम बुद्ध अन्तरास्ट्रिय क्रिकेट रंगशाला निर्माणार्थ सहयोगका लागि सिटि एक्सप्रेस धुर्मुस सुन्तली साँझ क्वालालम्पुरमा सम्पन्न भएको छ । सिताराम कट्टेल धुर्मुस र कुन्जना घिमिरे , बद्री पंगेनी , मेलिना राई ,सम्झना भण्डारी र याङ्जोम शेर्पा सहितको टोलीले  मलेसियाका तिन सहरमा आफ्नो प्रस्तुति दिनेछन । चिनिया नयाँ बर्षको बिदाका दिनहरु पारेर सिटि एक्सप्रेस मनि ट्रान्सफरले आयोजना गरेको उक्त कार्यक्रम क्वालालम्पुर,पेनाङ र जोहोरबारुमा धुर्मुस सुन्तली साँझका नाममा संचालन भएका  हुन । कार्यक्रम फेब्रुअरी ५ हिजो  क्वालालाम्पुर, फेब्रुअरी ६ बुधबार पेनाङ र फेब्रुअरी १० आतबार जोहोरबारुमा हुने भएको छ। मलेसियामा गरिएको कार्यक्रमबाट उठेको रकम धुर्मुस सुन्तली फाउण्डेसनलाई दिइने सिटि एक्सप्रेसका मलेसियाका कन्ट्री  म्यानेजर प्रदीप श्रेष्ठले बताए । कार्यक्रममा उत्साहजनक रुपमा नेपालीहरुको उपस्थिति रहेको थियो ।