
फागुन ४,काठमाडौं : राष्ट्रिय फोटोपत्रकार समुह (एनएफपीजे)नेपालको १० औं वार्षिक साधारणसभा संस्थाका अध्यक्ष राजेन्द्र चित्रकारको अध्यक्षता र नेपाल पत्रकार महासंघका उपाध्यक्ष दिलिप थापामगरको प्रमुख आतिथ्यमा पुतलीसडक स्थित नेम क्याफेमा सम्पन्न भयो ।
उक्त कार्यक्रममा प्रमुख अतिथि उपाध्यक्षद्धारा फोटोपत्रकार तथा पत्रकारहरुको हक हित र कानुनी अधिकारको साथै देशभर रहेका सम्पूर्ण फोटोपत्रकारहरुलाई एकजुट भई अगाडी वढ्न सुझाव तथा शुभकामना प्रदान गर्नु भयो भने अन्य यस समुहका पूर्व अध्यक्षहरु मिनरत्न वज्रचार्य,कविन्द्रमान साक्य,राजभाई सुवाल तथा संस्थाका सल्लाहाकार जगदिस तिवारी र धादिङ शाखाका अध्यक्ष नारायण सिलवालले शुभकामना मन्तव्य दिनु भएको थियो । 
उक्त कार्यक्रममा संस्थाको वार्षिक गविधिहरु सचिव नवराज श्रेष्ठद्धारा प्रस्तुत गरीएको थियो भने समुहको आर्थिक प्रतिवेदन कोषाध्यक्ष लेख वहादुर श्रेष्ठले दिनुभएको थियो साथै अवको दिनका विधानमा संसोधन गरी संस्थालाई ७ वटा प्रादेशिक संरचनामा लाने निणर्य समेत गरिएको छ भने उक्त साधारण सभावाट पूर्व अध्यक्ष ध्रुवआले,सदस्य द्धय हरि रेग्मी र सागर श्रेष्ठलाई साधारण सदस्य समेत नरहने गरी कारवाही गर्ने साधारण सभाले निणर्य पारीत गरयो ।


