
फाल्गुण १२, महोत्तरी
महोत्तरीमा करेन्ट लाग्दा २ जनाको मृत्यु भएको छ ।
लोहारपट्टी नगरपालिका वडा नं २ सुखैनियामा करेन्ट लागेर रमदैया३ बस्ने ३० वर्षीय भरत यादव र २५ वर्षीय राम ईश्वर यादवको मृत्यु भएको हो ।
बिहीबार राति स्थानीय सकल मुखिया बिनको घरको लागी हुकिङ गरी बिजुली चोर्न खोज्दा करेन्ट लागेको हो । करेन्ट लागेर घाइते भए पछि उनीहरुको अञ्चल अस्पताल जनकपुरमा उपचारको क्रममा मृत्यु भएको जिल्ला प्रहरी कार्यालय महोत्तरीले जनाएको छ।
घटनाको थप अनुसन्धान भैरहेको जानकारी गराउदै हुकिङ गरेर बिजुली प्रयोग गर्नु गैरकानुनी मानिए पनि गाउँका ठाउँहरुमा विजुली चोर्ने कार्यहरु भईरहेको समेत प्रहरीको भनाइ छ ।


