
सन्तोष बजगाई, काठमाण्डौं । संस्कृति, पर्यटन तथा नागरिक उड्यनमन्त्री रबिन्द्र अधिकारी सहित ७ जनाको हेलिकप्टर दुर्घटनामा मृत्यु भएको छ । बुधवार एयर डाइनेष्टिको हेलिकप्टर दुर्घटना हुँदा पर्यटनमन्त्री अधिकारी र उनका अंगरक्षक अर्जुन घिमिरे, नागरिक उड्डयन प्रधिकरणका निर्देशक ध्रुवदास भोछिभोया, पर्यटन ब्यवसायी आङछिरिङ्ग शेर्पा, नागरिक उड्डयन प्रधिकरणका उप–महानिर्देशक वीरेन्द्र श्रेष्ठ, उप–सचिव युवराव दाहाल र क्याप्टेन प्रभाकर केसी को मृत्यु भएको थियो । उक्त दुर्घटनामा परी ज्यान गुमाएका मन्त्री अधिकारी र उनका अंगरक्षक नेपाली सेनाका जमदार अर्जुन घिमिरेको मात्र सनाखत भएको छ । भने अरू शवहरूको जलेको अवस्थामा फेला परेकोले चिन्न नसक्ने अवस्थामा रहेको बताएईको छ ।
मर्ने सबै बराबर हुन को नेता, को मन्त्रि, को जनता ? तर यहाँ मृत्यु फरक हो जस्तो गरिन्छ । कसैको मृत्यु पहाड भन्दा गह्रौँ कसैको हल्का फुल्का वा प्रायलाई थाहा नै हुन्न । मरण एउटै, दुर्घटना एउटै तर प्राय सोसल मिडियामा कि मन्त्रि कि ठुला बडालाई मात्र श्रदाञ्जलि दिएको भेटिन्छ तर आफ्नो कर्तब्यपालनको क्रममा ज्यान गुमाएका जमदार अर्जुन घिमिरेलाई कसले सम्झिने ? यहाँ सेनाका जमदार अर्जुन घिमिरे जो मन्त्रि रविन्द्र अधिकारीका सुरक्षाकर्मी (पिएसो) हुन । उनि पनि आफ्नो कर्तव्य पुरा गर्दै मन्त्रि संगै मृत्युवरण गरे । अर्जुन घिमिरेको शोकसन्तप्त परिवारलाई पनि धर्य धारण गर्ने शक्ति मिलोस ! घिमिरेलगायत सबैलाई श्रद्धासुमन ! तेह्रथुमको चुहान डाँडा एयरपोर्ट निरीक्षणपछि मन्त्री रविन्द्र अधिकारीसहितको टोली पाथीभरा दर्शनमा लागि गएको थियो । त्यहाँबाट फर्कने क्रममा दुर्घटनामा परेका हुन् ।
बुधबार दिउँसो ताप्लेजुङमा भएको हेलिकोप्टर दुर्घटनामा संस्कृति, पर्यटन तथा नागरिक उड्डयान मन्त्री रविन्द्र अधिकारीसहित ७ जनाको मृत्यु भएको छ । ज्यान गुमाउनेमा मन्त्री अधिकारीका पर्सनल सेक्यूरिटी अफिसर (पीएसओ) अर्जुन घिमिरे पनि छन् । सैनिक मुख्यालय जंगी अड्डाको अभिलेख अनुसार उनी २०५८ सालमा नेपाली सेनाको सेवामा प्रवेश गरेका थिए । उनी १० भदौदेखि मन्त्री अधिकारीको गार्ड कमाण्डर भएर खटिएको सैनिक प्रवक्ता यामप्रसाद ढकालले बताए । हाल घिमिरे सेनाको जमदार पदमा कार्यरत् थिए ।
एक वर्षअघि मात्रै बुबाको निधन
अर्जुन घिमिरेको स्थायी घर रामेछापको साबिक गुम्देल गाविस–७, हाल उमाकुण्ठ गाउँपालिका–१ मा छ । केहीवर्ष अघि सेनाको शान्ति मिसनमा गएर उनले कीर्तिपुरमा घर पनि बनाएका थिए । हाल कीर्तिपुरस्थित घरमा उनकी श्रीमती शैलु घिमिरे र १० वर्षीय छोरा असिम घिमिरे छन् । उनी स्थानीय विद्यालयमा अध्ययनरत् छन् । घिमिरेका आफन्त सञ्चारकर्मी समेत रहेका टपेन्द्र कार्कीका अनुसार उनको बुबा उद्योगबहादुर घिमिरेको निधन भएको एक वर्ष पनि पुगेको छैन । ‘उनको बुबाआमा दुवै जना खेती किसानी गर्नु हुन्थ्यो । सामान्य परिवार हो’, कार्कीले भने, ‘आमा चाहिँ गाउँमै हुनुहुन्थ्यो । अहिले काठमाडौं आउन लाग्नु भएको छ । घिमिरेले डिप्लोमा तहसम्मको पढाइ सकेका छन् । उनले ठमेलस्थित सरस्वती बहुमुखी क्याम्पसमा पढेका थिए । प्रारम्भिक शिक्षा भने जनसेवा माविबाट लिएका थिए भने एसएलसी हिममगंगा मावि, सोलुखुम्बुबाट दिएका थिए । सामाजिक सञ्जालहरुको सहयोगमा


