
किसोर सेढाई
फागुन २०, काठमाडौ ।भारतमा कुम्भ मेलाको समापन संगै यस पटक गत वर्ष भन्दा करीब २ हजार भन्दा बढी साधु पशुपति मन्दिर परिसरमा जम्मा भइ सकेको पशुपति क्षेत्र विकास कोषका सदस्य सचिव डा. प्रदीप ढकालले बताउनु भएको छ ।
यसैबिच महाशिवरात्रिको पावन अवसरमा काठमाडौं महानगरपालिकाद्धारा संचालित मेट्रो एफ ९४.६ मेगाहर्जले विहान ५ः३० बजे देखि ७ बजेसम्म पाशुपत क्षेत्रबाट आफनो रेडियो कार्यक्रम भक्ति अनुष्ठान र मन्थन मार्फत प्रत्यक्ष रेडियो कार्यक्रमको संचालन गरेको थियो ।
सो प्रत्यक्ष रेडियो कार्यक्रममा मेट्रो एफ.एमका धार्मिक कार्यक्रम संचालक दुण्डीराज नेउपाने जोडिनु भएको थियो ।
महाशिवरात्रि , शिवरात्री हिन्दुहरूको प्रमुख चाड हो । यो भगवान शिवको प्रमुख पर्व मध्ये एक हो । । शिव भगवान उत्पत्ति हुनुभएको रातका नामबाट भएको यो पर्व कालरात्री मोहरात्री सुखरात्री र शिवरात्री नामक चार प्रमुख रात्री मध्ये एक पर्वका रूपमा रुद्र पुराण , स्कन्द पुराण , लिंग पुराण र पद्य पुराणहरूमा महाशिवरात्रि पर्वबारे वर्णित छ । फागुन कृष्ण चतुर्दशीका दिन मनाइने यस पर्वलाई सम्पूर्ण दीन दुःखी र कष्टपूर्ण अवस्थामा रहेका समग्र प्राणीहरूको हृदयमा धर्मको उदय गराउने भगवान् शिवको अति प्यारो दिनका रूपमा पनि लिइने गरिन्छ


