तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

अन्तराष्ट्रिय क्रिकेट रंगशालाका लागि आर्थिक सहयोग जुटाउन संयुक्त अरब ईमिरेट्सको दुबईमा शुक्रबार धुर्मुस सुन्तली साँझ

न्यूजलाईन्स् मिडिया संवाददाता
प्रकाशित मिति : २०७६ बैशाख १६ गते, सोमबार १४:०५

युएई, १६,वैशाख / चितवनमा धुर्मुस सुन्तली फाउन्डेशनले निर्माण गर्ने अन्तराष्ट्रिय क्रिकेट रंगशालाका लागि आर्थिक सहयोग जुटाउन संयुक्त अरब ईमिरेट्सको दुबईमा शुक्रबार धुर्मुस सुन्तली साँझ गरिएको छ । गौतम बुद्ध क्रिकेट स्टेडियम निर्माण सहयोगार्थ बिभिन्न संघसंस्थाहरूको संयुक्त आयोजनामा दुबईमा ‘धुर्मुस सुन्तली साँझ’ भव्यरुपमा सम्पन्न भएको छ।

सहयोग रकम जुटाउन आयोजना गरिएको कार्यक्रममा कलाकार सिताराम कट्टेल (धुर्मुस) र कुञ्जना घिमिरे (सुन्तली)ले सच्चा नागरिक नामक प्रहसन देखाए । समसामयिक राजनीति, भ्रष्टाचार माथी ब्यङग्य गरिएको प्रहसनमा दर्शकले सम्वादै पिच्छे ताली बजाएर समथर्न गरेका थिए । मुलुकमा ब्याप्त भ्रष्टाचारकै कारण लाखौ युवा विदेशिन बाध्यहुनु परेको, हरेक नेपालीले आफ्नो कर्तब्य पुरा गरे नेपाल छिटै विकसित हुने आसय प्रहसनमा देखाईएको थियो ।
कार्यक्रममा चर्चित गायक पुष्पन प्रधानले पंक्षी, बुवाको जुंगो लगायतका आधा दर्जन गीत गाए । गायिका मेलिना राईले कुटुमा कुटु, गोजीमा दाम छैन लगायतका आधा दर्जन गीत गाईन ।

कार्यक्रमबाट बचत भएको रकम स्टेडियम निर्माणका लागि धुर्मुस सुन्तली फाउण्डेशनलाई सहयोग गरिने कार्यक्रमको ब्यवस्थापनको जिम्मा पाएको चितवन समाज युएईका अध्यक्ष परशुराम घिमिरेले जानकारी दिए । युएईमा क्रियाशिल करिव ४० संस्थाले संयुक्त रुपमा आयोजना गरेको कार्यक्रममा आर्थिक सहयोग गर्ने ब्यक्तिलाई सम्मान गरिएको थियो ।

कार्यक्रमको आम्दानी खर्चको विवरण संकलन भईरहेकोले युएईबाट सहयोग हुने कुल रकम घोषणा गर्न एक दुई दिन लाग्ने मुल आयोजक समितिले जानकारी दिए । कार्यक्रम आयोजक सबै संस्थाहरू प्रति आभार व्यक्त गर्दै कार्यक्रम सफल बनाउन उपस्थित दर्शकहरू तथा कलाकारहरू सबैलाई एनआरएनए युएईले धन्यबाद ज्ञापन गरेको छ ।

फेसबुक प्रतिक्रिया
सम्बन्धित शीर्षकहरु