तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

शाही युवा शक्ति, नेपालले पक्राउ परेका आफ्ना कार्यकर्ताहरुको अबिलम्ब रिहाई नगरे सरकारविरुद्ध कडा आन्दोलन गर्ने चेतावनी

न्यूजलाईन्स् मिडिया संवाददाता
प्रकाशित मिति : २०७६ बैशाख १७ गते, मंगलवार १८:५०

काठमाडौं, १७ बैशाख । शाही युवा शक्ति, नेपालले पक्राउ परेका आफ्ना कार्यकर्ताहरुको अबिलम्ब रिहाई नगरे सरकारविरुद्ध कडा आन्दोलन गर्ने चेतावनी दिएको छ । मंगलबार रिपोर्टर्स क्लब नेपालमा पत्रकार सम्मेलन गर्दे शाही युवा शक्ति नेपालले यस्तो चेतावनी दिएको हो ।

गोगंवुको बानियाँटारबाट आज बिहान पक्राउ परेका केन्द्रिय सदस्य बिनोद केसी, राम प्रसाद सुवेदी, मिन बहादुर क्षेत्री र दिपेश खड्कालाई अपहरण शैलीमा घरैबाट पक्राउ गरेको भन्दै घोर आपत्ति जनाएको छ ।

कार्यक्रममा बोल्दै शाही युवा शक्ति नेपालका अध्यक्ष पशुपति खड्काले राज्यबाट नागरिकको आम स्वतन्त्रतालाई कुण्ठित पार्ने काम भएको आरोप लगाए । देशका विभिन्न अपराध र बिसंगतिहरु ब्याप्त रहेको भन्दै उनले नागरिकका अधिकारहरु राज्यले दबाउन नहुने सुनाए ।
आफ्ना कार्यकर्तालाई घरभित्रै छिरेर अपहरण शैलीमा पक्राउ गरिएको भन्दै उनले सरकारलाई निःशर्त रुपमा छोड्न चौबिस घण्टे अल्टिमेटम पनि दिएका छन ।

प्रधानमन्त्री केपी शर्मा ओली नेतृत्वको सरकारले निरंकुशवादी सोच र व्यवहार बढाएको भन्दै उनले देशमा ब्याप्त बिसंगति र बिकृतिका बारेमा आवाज उठाउँदा आफुहरुमाथि दमन गर्न खोजेकोे उनको आक्रोश छ ।

शाही युवा शक्ति नेपालले स्थापना कालदेखिनै नेपालमा गणतन्त्र र संघीयता खारेज हुनुपर्ने माग राख्दै आएको बताउदै उनले नेपाल अखण्ड हिन्दु राज्य हुनुपर्नेमा जोड दिए ।

अहिले दलीय निरंकुशता बढ्दै गएको बताउँदै खड्काले संसारकै स्वतन्त्र देशका नागरिकलाई अधिकारबाट बिमुख बनाउने खेल भईरहेको पनि आरोप लगाए ।

अहिले गणतन्त्रको नाममा नेपालमा लुटतन्त्र कायम रहेको बताउदै उनले जनतामा रहेको भ्रम चिर्नु आफुहरको कर्तव्य भएको पनि स्पष्ट पारे ।
हिजो प्रधानमन्त्रीको पुत्ला जलाउदा प्रधानमन्त्रीलाई नै जलाएकोजस्तै गरेर घरबाटै आफ्ना साथीहरु पक्राउ गर्ने सरकारको मानसिकता कमजोर बन्दै गएको उनको भनाई छ ।

राजसंस्थाको बारेमा प्रधानमन्त्री ओली र सरकारका प्रवक्ता गोकुल बास्कोटाले आपत्तिजनक अभिव्यत्ति दिईरहेकोमा आफूहरु गम्भिर रहेको उनले बताए । सरकारले प्रहरीको दुरुपयोग गर्दे आफुहरुलाई दवाउन खोजेपनि अव नेपाली जनताले त्यसको मुल्य चुकाउन बेर नलगाउने उनको भनाईे थियोे ।

अब नेपाली जनताले राजसंस्था पुनस्थापनको लागि सडकमा आउने समय भैसकेको बताउदै उनले नेपालमै भएको नेपालीको बिचल्ली कुनैपनि हालतमा सहन नसकिने पनि जानकारी गराए । आफ्ना कार्यकर्तालाई तुरुन्त रिहा नगरे देशभरि नै आन्दोलनका कार्यक्रम शुरु हुनेपनि उनले चेतावनी दिए ।

जनताको धैर्यताको बाँधलाई कुनैपनि हालतमा सरकारले रोक्न नसक्ने भन्दै उनले अब हरेक घरमा प्रधानमन्त्री ओलीको पुत्ला जलाउन नपरोस भन्दै चेतावनी पनि दिएका छन ।

फेसबुक प्रतिक्रिया
सम्बन्धित शीर्षकहरु