• बिद्यालयमा पुर्ण सरसफाईको अबस्थाका बारेमा अनुगमन

    न्यूजलाईन्स् मिडिया संवाददाता
    प्रकाशित मिति : २३ बैशाख २०७६, सोमबार १५:३२

    जनकबहादुर शाही
    हुम्ला, बैशाख–२२ । सिमकोट गाउँपालिका वडा नं. ५ र ६ मा रहेका २ वटा बिद्यालयमा पुर्ण सरसफाईको अबस्थाका बारेमा अनुगमन गरिएको छ । ४३ औ जिल्लाका रुपामा २ बर्ष अगाडि खुला दिसा मुक्त क्षेत्र घोषित भएई सकेकाले बिद्यालयको सरसफाईको अबस्था र स्थितीका बारे बुझ्न अनुगमन गरिएको हो । सिमकोट गाउँपालिका ५ को भिमसेन आधारभुत बिद्यालय र वडा नं. ६ को कालाशिल्ता आधारभुत बिद्यालयमा शनिबार अनुगमन गरीएको हो ।

    युनिसेफ, छाया नेपालको आर्थिक सहयोग र बिगतलामो समय देखि जिल्लामा सरसफाईका क्षेत्रमा काम गर्दै आएको स्नोल्याण्ड एकिकृत बिकास केन्द्र (एस आई डि सि ) को प्राबिधिक सहयोगमा सिमकोट गाउँपालिकाका सात वटा माबि, निमाबि, प्राबिहरुको पुर्णसरसफाईका लागि कार्यक्रम संचालन गरिएको र त्यसको अबस्थाका बारेमा अनुगमगर्दा स्थिती निक्कै सुधार रहेको अनुमगनमा संलग्न सिमकोट गाँपालिकाका अध्यक्ष पदमबहादुर लामाले बताए । शौचालय र खानेपानीको उचित ब्यबस्था भएकाले पुर्ण सरसफाईका लागि ठुलो सहयोग मिलेको अध्यक्ष लामाले बताए ।
    सिमकोट गाउँपालिका ५को भिमसेन आधारभुत बिद्यालय र वडा नं. ६ को कालाशिल्ता आधारभुत बिद्यालयलाई पुर्ण सरसफाई गर्नका लागि खानेपानी तथा शौचालयको मर्मत योजनाहरु संचालन गरेपछि अनुगमन गरिएको स्नोल्याण्ड एकिकृत बिकास केन्द्रका कार्यकारी निर्देशक गोबिन्द शाहीले बताए । यि बिद्यालयसंगै सिमकोट गाउँपालिकाका भिमसेन, कालाशिल्ता र रलिङ्ग माबिका लागि रु ३ लाख तथा बालबिकास, पंचमुखी, महाकाल र सिदार्थ निमाबिका लागि खानेपानी तथा शौचालय मर्मतका लागि रु.७५ हजार सहयोग गरिएको शहीले बताए ।
    अनुगमनमा सिमकोट गाउँपालिका अध्यक्ष लामा, उपाध्य क्षबली रावत, ५ नं. वडाका अध्यक्ष कृष्ण बोहरा, ६ नं. वडाका जयचन्द्र रोकाया, सिमकोट गाउँपालिकाका सामाजिक बिकास शाखाका प्रमुख जंग रोकायासहित संचारकर्मीकोस सहभागिता रहेको थियो ।
    विद्यालयको पूर्ण सरसफाईको अवस्था बुझ्न अनुगमन ।

    फेसबुक प्रतिक्रिया
    सम्बन्धित शीर्षकहरु