
जेठ १०, नुवाकोट । नुवाकोटको तार्केश्वर गाँउपालिकाको उपाध्यक्ष तारादेवी रिमालले आफूले भनेका योजनाको लागी बजेट नदिएको भन्दै प्रमुख प्रशासकीय अधिकृत अशोक दाहाल माथी बिहीबार कार्यकक्षमै हातपात गरेकी छिन्। गाँउपालिकाका कर्मचारीहरुले आफुहरुको नेतृत्वको मानमर्दन गर्ने गरी आक्रमण गरिएकाले काम गर्ने उपयुक्त बातावरण तयार नभएसम्म कार्यालय बन्द गरी बिरोधमा उत्रिएका छन । गाँउपालिकाको आफ्नै कार्यकक्षमा कार्यरत रहेको अवस्थामा नियमबिपरीत कार्य गर्नका लागि अनुचित दबाब दिदै गाँउपालिकाकी उपाध्यक्ष रिमालले प्रशासकीय अधिकृत माथि हात हाल्नु निन्दनिय भएको बिज्ञप्तीमा उल्लेख छ ।
तारकेश्वर गाँउपालिकाका महिला समुहहरुले समेत तारादेबीको यस कार्यको निन्दा गर्दै सम्पुर्ण महिलाहरुको बेईज्जत भएको भन्दै उनलाई कारबाहीमा गर्नुपर्नेमा जोडदार रुपमा माग गरेका छन ।


