नेपाल हेभी इक्विपमेन्ट व्यवसायी संघ काठमाडौमा  महेश कुँवरको नेतृत्वविकास शिल्ड उपाधि पुरुषतर्फ सशस्त्र प्रहरी बल एपीएफ र महिलातर्फ सुदुरपश्चिम प्रदेशलाईमधेशी एकता समाजको होली समारोह धुमधाम र भव्यताका साथ दुबईमा सम्पन्नHONOR Wins 45 Media Awards at MWC 2024नयाँ गठबन्धन निर्माणसँगै प्रधानमन्त्री पुष्पकमल दाहाल प्रचण्डले तीन जना मन्त्री नियुक्तनेपाल मेडिकल कलेजमा श्रवण सम्बन्धी निःशुल्क स्वास्थ्य जाँचलक्ष्मी ग्रुपका अध्यक्ष श्रेष्ठलाई ‘कर्पोरेट लाइफटाइम अचिभमेन्ट अवार्ड’, को हुन् उनी ?राष्ट्रिय सभाका निर्वाचित १९ सदस्यले आज शपथग्रहण गर्दैविकास शिल्ड राष्ट्रिय ह्वीलचियर बास्केटबल च्याम्पियनसिपः सुदुरपश्चिम र लुम्बीनी फाइनलमा प्रवेशतपाईंको आजको दिन कस्तो छ ? हेर्नुस् राशिफल

माप्य दुधकोशी गाउँपालिकाका हरेक निर्णयहरु सहमतिबाटैः अध्यक्ष राई

न्यूजलाईन्स् मिडिया संवाददाता
प्रकाशित मिति : २०७६ असार २३ गते, सोमबार ०८:१५

काठमाडौं, २३ असार । सोलुखुम्बु जिल्लाको माप्य दुधकोशी गाउँपालिकाका अध्यक्ष बुद्धिकिरण राईले बहुमत लोकतान्त्रिक व्यवस्थाको महत्वपूर्ण पाटो भएपनि गाउँपालिकाका हरेक निर्णयहरु सहमतिमा गरिएको दाबी गरेका छन् । गाउँपालिकाबारे पछिल्लो पटक विभिन्न माध्यमबाट गलत प्रचारबाजी भइरहेकोप्रति ध्यानाकर्षण भएको भन्दै अध्यक्ष राईले पे्रस विज्ञप्तीमार्फत सो दाबी गरेका हुन् ।
विज्ञप्तीमा अध्यक्ष राईले गाउँपालिकालाई सफल हुन नदिन केही व्यक्ति लागिपरेको भन्दै त्यसलाई प्रमाणित गरेर देखाउन चुनौतिसमेत दिए । पछिल्लो पटक अनलाईन पत्रिकामार्फत आएको समाचार नितान्त आफ्नो व्यक्तिगत मानमर्दन आँच पु¥याउने दुरासयपूर्ण नियतका साथ आएको भन्दै उनले त्यस्ता व्यक्तिहरुको स्वार्थ पूर्ति हुन नसक्ने ठोकुवा गरे ।
विज्ञप्तीमा गाउँपालिकाको गौरवको रुपमा रहेको दुधकोशी नदीको ओर्लाङघाट र कायखेतमा पक्की मोटरेबल पुल निर्माणको काम तीब्र रुपमा अघि बढाइएको र वडा नम्बर २ र ६ मा ठूला खानेपानी योजना अघि बढाइएको, सडक सञ्जालको विस्तार र स्तरोन्नत्तिसँगै गाउँपालिकाको हाईवेको रुपमा रहेको सल्लेरीदेखि जुभिङसम्मको बाटो कालोपत्रेका लागि काम सुरु भइसकेको, कृषिका लागि नमुना गाउँपालिका बनाउनका लागि विशेष योजनाका साथ नयाँ बजेट ल्याइएको, शिक्षा, स्वास्थ्यलगायत जनताको दैनिक जीवनसँग जोडिएका सेवा सुविधालाई प्रभावकारी रुपमा अघि बढाउनुका साथै अन्य पूर्वाधार विकासमा जनताले महसुस गर्नेगरी काम अघि बढाइएको दाबी गरिएको छ ।

उनले गाउँपालिका सफल हुने डरले बिचलित मानसिकता बोकेका व्यक्तिहरु योजना सञ्चालन र सम्पन्न हुन नदिन लागि परेको बताएका छन् । अध्यक्ष राईकाअनुसार गत असार ७ र ८ मा गाउँपालिकाको आर्थिक बर्ष २०७६÷७७ को नीति, कार्यक्रम तथा बजेटमा दफाबार छलफल भई कार्यपालिका बैठकवाट पास गरी गाउँसभमा पेश गरिएको हो । गाउँपालिकाका कामकार्यक्रम बारेमा विभिन्न सञ्चार माध्यममा आएका समाचार भ्रामक भएको दाबी गर्दै उनले गाउँपालिकाविरुद्ध केन्द्रको बिषयमा बाहेक अरु कुनैपनि मुद्दा नरहेको स्पष्ट पारे ।
अध्यक्ष राईले ग्रामिण सडकको आवश्यक्तालाई महसुस गरी अघिल्लो र चालु आर्थिक बर्षको बजेटमा सडकलाई प्राथमिकता दिइएको र आगामी आर्थिक बर्षको बजेट कृषि तथा पशुपालनलाई लक्षित गरिएको समेत उल्लेख गरेका छन् । उनले हरेक योजनाहरु सञ्चालनका लागि उपभोक्ता समिति गठन, योजनाको अनुगमन फरफराकसमेत वडा अध्यक्षको प्रत्यक्ष संलग्नता र सिफारिसको आधारमा गर्ने गरिएको र आगामी दिनमा पनि सोही अनुसार हुने कुरामा विश्वस्त हुन आग्रह पनि गरेका छन् ।

विज्ञप्तीमार्फत उनले जन चाहनाअनुसार विकासले फड्को मार्दै गरेको अवस्थामा सबैलाई जनचाहना अनुसारको गतिविधी अघि बढाउन र विकास र समृद्धिको दिशामा एकजुट भएर लाग्न अनि अनावश्यक र भ्रामक समाचारको पछि नलाग्न आग्रहसमेत गरेका छन् ।

फेसबुक प्रतिक्रिया
सम्बन्धित शीर्षकहरु