• स्थानिय बासिन्दाहरुले खानेपानी संस्थाको हाकिमलाई घेरे

    न्यूजलाईन्स् मिडिया संवाददाता
    प्रकाशित मिति : ३१ असार २०७६, मंगलवार १६:००

    बुटवल-बुटवल उपमहानगरपालिका वडा नं. ८ का स्थानिय बासिन्दाहरुले मंगलबार खानेपानी संस्था बुटवलका हाकिमलाई घेराउ गरेका छन् ।

    सुख्खानगरमा दैनिक खानेपानी नआउने गरेको र आएपनि धमिलो पानी आएपछि वडाका स्थानियहरु गुनासो लगेर खानेपानी संस्था बुटवलको कार्यालयमा पुगेका थिए ।

    स्थानियहरुले सुख्खानगरमा दिनुपर्ने पानी कर्मचारी र जनप्रतिनिधीको आदेशमा अन्य वडालाई दिएको भन्दै उनीहरुले संस्थानका कार्यालय प्रमुख ईन्जिनियर बुद्धरत्न मर्हजनलाई घेराउन गरेका हुन ।

    सुख्खानगरका स्थानिय बासीहरुले तत्काल खानेपानीको समस्या समधान नभए खानेपानी पाईपनै निकाल्दिने चेतावनी समेत दिएका छन् । सुख्खानगरका स्थानिय राधेश्यामराज भण्डारीले हिउदोको समयमा भन्दा पनि बढि खानेपानी समस्या अहिले भएको बताए ।

    बुटवल–८ मा २ हजार ५ सय घरधुरी छन् । बुटवल–८ सुख्खानगरमा लामो समयदेखि खानेपानीको समस्या रहेको छ । सुख्खानगर संगै जोडिएको दिपनगरमा भने खानेपानी दैनिक रुपमा आएको भन्दै स्थानियहरुले सवैको मिलेमोतोमा वडा नं. ८ लाई खानेपानी नदिएको बताए ।

    एक महिना अघि बुटवलको सडक डिभिजन परिसरमा उपमहानगरपालिकाकै पहलमा बोरिङ गाडिएको थियो । बोरिङ गाडेपछि आएको पानीले सुख्खानगरमा खानेपानीको समस्या टर्ने विश्वास गरेका जनताले सो पानी दिपनगरमा लगेपछि थप आक्रोशित बनेका हुन ।

    खानेपानी संस्थाका कार्यालयका प्रमुख ईन्जिनियर बुद्धरत्न महर्जनले बुटवलका अझै एक दुई स्थानमा बोरिङ गाडेर समस्याको समधान गर्ने बताए ।-butwalonline.com

    फेसबुक प्रतिक्रिया
    सम्बन्धित शीर्षकहरु