दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

गुल्मीमा पहिरो : ६ को मृत्यु, दर्जनौं बेपत्ता (अपडेट)

न्यूजलाईन्स् मिडिया संवाददाता
प्रकाशित मिति : २०७६ श्रावण ७ गते, मंगलवार ११:११

गुल्मी -सोमबारदेखि परेको अविरल वर्षाका कारण पहिरोमा परि ६ जनाको मृत्यु भएको छ भने दर्जनौं बेपत्ता भएका छन् ।

जिल्लाको ठुलोलुम्पेकस्थित तिलबहादुर तरामुको घरमा राति भल पसि घर भत्किँदा उनकी ३० वर्षीया तिलकुमारी तरामू र उनका छोरा वर्ष १० का दर्शन तरामुको मृत्यु भएको स्थानीय जितबहादुर त्रामुले जानकारी दिनुभयो।

यस्तै उनकी १२ वर्षीया छोरी करिष्मा र १४ वर्षकी छोरी धनी तरामु घाइते भएका छन्। पानी परिराखेकाले उपचारमा लैजानका लागि समस्या परेको स्थानीयले बताएका छन्।

सत्यवतीमा ४ को मृत्यु

गुल्मीकै सत्यवती गाउँपालिका –४ लिम्घामा ४ घर बगाउदा चार जनाको शब फेला परेको छ । जिल्ला प्रहरी कार्यालय गुल्मीका सहायक निरीक्षक कुमारबहादुर थापाका अनुसार पहिरोमा पुरिएर मृत्यु  हुनेमा २५ वर्षीया पम्फा विक, वर्ष निर्मला विक, अञ्जली विक र  हेमन विक रहेका छन् । अहिले स्थानीयले उद्धारका लागि पलह गरिरहेका छन् । स्थानीय प्रहरीले नसक्ने र जिल्ला सदरमुकाम टाढा पर्ने हुँदा प्रहरी घटनास्थलमा पुग्न बढी समय लाग्ने भएको प्रमुख जिल्ला अधिकारी यदुनाथ पौड्यालले जानकारी दिनुभयो ।

घर बगाउँदा कम्तिमा दुई बेपत्ता

सत्यावती गाउँपालिकाकै– ३ मा रुद्धबहादुर विकको घर पहिरोले बगाएको छ। राति घर बगाउदा रुद्धबहादुर बिक र उनकी आमा घरमा भएको आशंका गरेपनि परिवारमा अन्य कति थिए भन्ने एकिन छैन। उनीहरूको अवस्था अहिलेसम्म अज्ञात रहेको छ ।

अविरल वर्षा भइरहेको र बाटोमा पहिरो गएको कारण प्रहरीको टोली त्यसतर्फ पुग्न समय लाग्ने जिल्ला प्रहरी कार्यालय गुल्मीले जनाएको छ । घटना स्थलमा जिल्ला प्रहरी कार्यालय गुल्मीका प्रहरी नायब उपरीक्षक मिन घलेको नेत्तृवमा प्रहरीको टोली त्यस तर्फ गएपनि घटनाबारे पूरा विवरण आइसकेको छैन ।

उद्धारका लागि प्रहरीको टोलीसँगै स्थानीय लागेको र उपचारका लागि स्वास्थ्यको टोली पनि घटनास्थलमा पठाइएको प्रमुख जिल्ला अधिकारी यदुनाथ पौड्यालले जानकारी दिनुभयो ।

फेसबुक प्रतिक्रिया
सम्बन्धित शीर्षकहरु