काठमाडौं, २७ श्रावण – नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानले यही साउन ३१ देखि भदौ ६ सम्म पहिलो चरणमा ३ (तीन) प्रदेशमा महाधिवेशन प्रतिनिधिहरुका लागि प्रशिक्षण कार्यक्रम संचालन गर्ने भएको छ । साउन ३१ र ३२ गते कास्कीको पोखरामा गण्डकी प्रदेश स्तरीय, भदौ २ र ३ गते रुपन्देहीको भैरहवामा प्रदेश ५ नंं स्तरीय र भदौ ५ र ६ गते सुर्खेतको वीरेन्द्रनगरमा कर्णाली प्रदेशस्तरीय प्रशिक्षण संचालन गर्न लागेको हो ।
प्रशिक्षणकालागि नेपाली कांग्रेसको सांगठनीक संरचना, विधान र विशेषता, राजनीतिक, आर्थिक प्रस्ताव दृष्टिकोण, नेपाल कम्युनिष्ट पार्टीको सरकारको मूल्यांकन तथा जनतासंग संपर्क र संवाद जस्ता विषयहरु राखिएका छन् । प्रशिक्षणको मूल लक्ष्य नेपाली कांग्रेसका सदस्यहरुलाई जनतासंग कसरी आत्मीय संपर्क राख्ने भन्ने रहेको बताईएको छ । नेपाली कांग्रेसका सभापति श्री शेरवहादुर देउवाले उद्घाटन गर्ने कार्यक्रम छ । कार्यक्रममा वरिष्ठ नेता रामचन्द्र पौडेल सहित केन्द्रीय पदाधिकारी तथा सदस्यहरु समेतको सहभागिता रहने जनाईएको छ ।
२०८० मंसिर १४ - बिहीबार
