• कलाकार सुभद्रा अधिकारीको निधन

    न्यूजलाईन्स् मिडिया संवाददाता
    प्रकाशित मिति : ३२ श्रावण २०७६, शनिबार १२:३९

    काठमाडौं ।कलाकार सुभद्रा अधिकारीको असामयिक निधन भएको छ । नेपाली फिल्म क्षेत्रको निकै प्रतिभाशाली कलाकार हुन् सुभद्रा । दर्जनौं सम्मान, पुरस्कार तथा पदक थापेकी उनको निधन ७३ वर्षको उमेरमा आफ्नै निवासमा भएको हो । उनको जन्म वि.सं २००४ सालमा काठमाडौंको असनमा भएको थियो । उनलाई पछिल्लो केही समय देखि दमले सताईरहेको कारण उनलाई टिचिङ हस्पिटलमा भर्ना गरिएको थियो । शनिबार बिहान निधन भएको उनको पार्थिव शरीर उनकै निवास डल्ल्लु, स्वयम्भूमा १ बजे देखि ३ बजेसम्म राखिनेछ ।
    उनी ६ वर्षको हुँदा उनले नेवारी नाटक कचीमचा (कलिलो बच्चा)बाट कलाकारिताको क्षेत्रमा पाइला चालेकी थिईन् भने २०२८ सालमा उनले फिल्म मनको बाँध बाट फिल्मी यात्रा सुरु गरेकी थिईन् । उनले जीवनरेखा, बदलिँदो आकाश, वासुदेव, बेहुली, पिरती, कन्यादान जस्ता सयौं फिल्ममा अभिनय गरेकी छिन् । उनले केही पाकिस्तानी फिल्महरुमा पनि काम गरेकी छिन् ।

    फेसबुक प्रतिक्रिया
    सम्बन्धित शीर्षकहरु