दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

फिल्म “छ माया छपक्कै” को अफिसियल पोष्टर सार्वजनिक

न्यूजलाईन्स् मिडिया संवाददाता
प्रकाशित मिति : २०७६ भाद्र १० गते, मंगलवार १९:५४

काठमाडौं । फिल्म “छ माया छपक्कै” को अफिसियल पोष्टर सार्वजनिक भएको छ । सार्वजनिक पोस्टरमा फिल्मका मुख्य कलाकार केदार घिमिरे, दिपक राज गिरी, जितु नेपाल र नायिका केकी अधिकारीलाई फिचर्ड गरिएको छ । फरक शैलीमा रहेको पोस्टरमा सबै कलाकारलाई खुशी हुँदै केहि हेरीरहेको देख्न सकिन्छ । डोको र घुम देखाइएको उक्त पोस्टरमा गाउँले परिवेश प्रस्तुत गरिएको छ ।

केदार घिमिरे, दिपक राज गिरी र जितु नेपाललाई डोको माथि अढेस लागेको देख्न सकिन्छ भने नायिका केकी अधिकारीले बर्खामा वा खेती पाती गर्दा प्रयोग हुने घुम ओढेकी छिन् । फिल्ममा दीपक राज गिरी, केकी अधिकारी, सुपुष्पा भट्ट, केदार घिमिरे, जितु नेपाल, शिवहरी पौडेल र दिपाश्री निरौला लगायत कलाकारहरुको अभिनय रहने छ । नायक दीपकराज गिरी र नायिका केकी अधिकारीले पहिलो पटक यस फिल्मबाट जोडी बाँध्न लागेका हुन् ।
फिल्मले करिब ४० वर्ष उमेर अन्तर रहेको जोडीको कथा भन्ने छ । आमा सरस्वती मुभिज र रोहित अधिकारी फिल्मस्को संयुक्त ब्यानरमा निर्माण भएको फिल्म ‘छ माया छपक्कै’ का निर्माता रोहित अधिकारी रहेका छन् । फिल्म घामपानी निर्देशन गरेका निर्देशक दिपेन्द्र लामाले निर्देशन गर्दैछन् । फिल्ममा हरी हुमागाईंको छायांकन रहने छ । फिल्ममा दिपाश्री निरौला सल्लाहकार निर्देशकको रुपमा रहेकी छन् । फिल्मको रिलिज मिति तय भएको छैन ।
(फिल्मी फण्डा बाट)

फेसबुक प्रतिक्रिया
सम्बन्धित शीर्षकहरु