नेपाली समाज युएईको अध्यक्षमा गोविन्द ढकाल निर्वाचित

न्यूजलाईन्स् मिडिया संवाददाता
प्रकाशित मिति : २२ भाद्र २०७६, आईतवार १३:५१

युएई –नेपाली समाज युएईको अध्यक्षमा गोविन्द ढकाल निर्वाचित भएका छन् । गत शुक्रबार दुबईमा भएको नेपाली समाज युएईको १४ औं अधिवेशनबाट अर्का अध्यक्ष प्रत्यासी मणि प्रसाद भुर्तेललाई पराजित गराउँदै ढकाल २०१९र२१ कार्यकालको लागि निर्वाचित भएका हुन् । ढकालसँगै उपाध्यक्षहरु कमल गिरि, गणेश न्यौपाने निर्वाचित भएका छ्न् । महासचिवमा बेद प्रसाद अर्याल निर्वाचित भएका हुन् । यसैगरि पार्षद अध्यक्षमा राम मोक्तान, कोषाध्यक्ष दिपक राउत, सदस्यहरु भिम सुनार, नारायण प्रसाद ढकाल र नारायण बहादुर बोहोरा निर्विरोध निर्वाचित भएका हुन् ।
निर्वाचित भएसागै ढकालले आगामी दिनमा अझै बढी मेहनत र कडा परिश्रम गर्दै निरन्तर सामाजिक सक्रियतामा रहेर यूएईमा रहेका संघ संस्थाहरुसंगको सामुहिक कार्य योजना र निष्ठावान साथीहरूको मद्दत लिएर एउटा नमुना नेपाली समाज बनाउन पहल गर्ने बताए । ‘नेपाली समाज केन्द्रीय समिति, विभिन्न जिल्लाका कार्य समितिहरु र राजदूताबासको सहकार्यमा नेपालीमाथि आपत–बिपत पर्दा न्यायोचित कार्य गर्ने प्रतिबद्धता ब्यक्त गर्दछु । नेपाली समाजलाई उच्च स्थानमा पुर्याउने मेरो सपनामा हजुरहरुको साथ र सहयोग हुनेछ,’ ढकालले बताए । युएईको सबैभन्दा पुरानो समाजिक संस्था (स्थापना १९९०) नेपाली समाज युएईको १४ औं निर्वाचन नेपाल पत्रकार महासंघ युएई शाखाले गरेको थियो ।

फेसबुक प्रतिक्रिया
सम्बन्धित शीर्षकहरु