चितवन, २५ भदौ – आउदो २८ गते शनिबार एक सय २२ वटा रोटर्याक्ट क्लबका अध्यक्ष र सचिवहरुको भेला कार्यक्रम हुने भएको छ । उक्त भेला भरतपुर महानगरपालिका वडा नंबर ०९ स्थित शरदपुरमा हुन लागेको हो ।
रोटर्याक्ट क्लब अफ नारायणी मिडटाउनले अन्य ६ वटा रोटर्याक्ट क्लबको सहयोगमा रोटर्याक्ट क्लबका अध्यक्ष र सचिवहरुको राष्ट्रिय भेला आयोजना गर्न लागेको हो ।
भेलामा रोटर्याक्ट डिष्ट्रिक्ट ३२९२ अन्तर्गत रहेका एक सय २२ वटा क्लबबाट सहभागीहरु आउने बताईएको छ ।
दिनभर चल्ने राष्ट्रिय भेलामा चार घण्टासम्म तालिम सत्र संचालनमा रहने छ भने नेपाल भ्रमण वर्ष २०२० लाई सहयोग पुग्ने गरी कार्यक्रम स्थलमा केही स्टल समेत राखिने कार्यक्रम रहेको छ ।
