काठमाडौं । हाँस्य टेलिसिरियल ‘भद्रगोल’बाट बाहिरिएको टिमले नयाँ हाँस्य टेलिसिरियल प्रशारणमा ल्याउने भएको छ। राजधानीमा एक कार्यक्रमको आयोजना गर्दै नयाँ हाँस्य टेलिशृंखला ल्याउने जानकारी दिइएको हो । बिहिबार बेलुकी ८ः५० को समयमा प्रशारण हुन लागेको उक्त नयाँ टेलिसिरियलको नाम ‘सक्किगोनि’ राखिएको छ । ‘भद्रगोल’ उत्पादक संस्था मिडियाहबसंग कपिराइट र पारिश्रमिक विवाद बढेपछि जिग्री–पाँडेसहितको २१ जनाको टिम ‘भद्रगोल’बाट बाहिरएको थियो।
।नयाँ हाँस्य टेलिसिरियल ‘सक्किगोनि’मा पनि सबै जसो कलाकार भद्रगोल कै रहने छन् । भद्रगोललाई दिपक आर्चायले निर्देशन गरेका थिए भने सक्किगोनी लाई पनि दिपक आर्चायले नै निर्देशन गर्नेछन् । टेलिशृंखलामा कुमार कट्टेल (जिग्री), अर्जुन घिमिरे (पाँडे), सागर लम्साल (बले), गोविन्द कोइराला (जइन्ते), हरि निरौला (क्रकोज), रक्षा श्रेष्ठ, दिपक आर्चाय, शंकर आर्चाय, लगायत कलाकारको अभिनय रहने छ । सक्किगोनी असोज २ गते देखि नेपाल टेलिभिजन र युटुवमा प्रशारण हुनेछ ।
२०८१ मंसिर २६ - बुधबार
